422

بھارتی پائلٹ چھڈن دااعلان، ایف 16تباہ کرن دابھارتی دعوا

وزیراعظم نیں پارلیمنٹ دے سانجھے اکٹھ وچ بولدیاں انڈیا دے پائلٹ ونگ کمانڈر ابھینندن نوں جمعے نوں رہائی دین دا ہوکا بھریا۔اوہناں آکھیا امن ساڈی خواہش اے ایس نوں ساڈی کمزوری ناں سمجھیا جائے۔ وزیراعظم دا آکھنا سی جنگ کسے مسئلے دا حل نئیں، مجبور کیتا تے بھرواں جواب ملے گا۔
اودھر انڈین سیکریٹری خارجہ وجے گوکھلے نیں دعویٰ کیتا اوہناں دی فضائیہ نے بالاکوٹ وچ جیش دے کیمپ تےحملہ کیتا جیدے وچ درجناں دہشت گرد ہلاک ہوئے۔
انڈین فضائیہ دے بلیار ایئر وائس مارشل کپور نیں نویں دلی وچ دعواکیتا بدھ دی سویرے پاکستان نیں انڈین فوجی تھاواں نوں نشانہ بناون کی کوشش کیتی۔جیدے مگروں ہوون والی لڑائی وچ اک پاکستانی ایف 16 طیارہ وی مارسٹیا۔
آئی ایس پی آر دا آکھنا اے انڈین فائرنگ نال چار شہری ہلاک جدکے دو زخمی ہوئے نیں، پاکستانی فوج ایل او سی اتے ہائی الرٹ اے،تے کسے وی بھارتی جارحیت دامقابلہ کرن نوں تیاراے۔


لہور وچ سول سوسائٹی نیں جنگ خلاف تےامن دےحق وچ ریلی کڈی، اوہناں آکھیا جنگ جواب نئیں اے۔
کراچی وچ وی پاکستان تےانڈیا دے کھچانوں ختم کرن تے امن لئی ریلی کڈی، سب دا ایہو آکھنا سی، سانوں امن چاہیدا اے۔

اپنی رائے دا اظہار کرو