383

بلوچستان، بارشاں،برفباری نال تباہی 6 موتاں

کوئٹہ تے دوجے شہراں وچ بارشاں تے برفباری دا ٹورا ٹرن مگروں کئی علاقیاں وچ ہڑ آون نال چھ بندیاں دی موت ہوگئ نالے کئی پھٹڑ ہوئے۔
بلوچستان وچ لنگھے دیہاڑاں ہوون والی بارشاں تے برفباری مگروں کئی شہراں روذ دیہاڑی دے کم ٹھپ ہوگئے آوا جاوی رک گئی۔ کئی علاقیاں وچ ہرآگیا جس مگروں فوج نوں سدلیا گیا اے۔ قلعہ عبداللہ وچ ہنگامی حالت دا نفاذ کیتا گیا۔ لوکاں نوں محفوظ تھاواں تئیں اپرن دی ہدایت کیتی گئی اے۔
کئی علاقیاں دیاں رابطہ سرکاں بند ہوگئیان نیں۔ توبہ کاکڑی دا راہ وی بند اے۔ نوشکی خضدار تے دوجے علاقیاں دے رہائشیاں متعلقہ حکام نون امدادی کارروائیان دی اپیل کیتی اے۔
کوئٹہ۔زیارت تے کئی ہور شہراں وچ برفباری نال ٹھنڈ ودھ گئی نالے راہ وی بند ہوون پاروں لوکاں نوں آواجاوی وچ اوکڑاں آرہیآں نیں۔

اپنی رائے دا اظہار کرو