بلاول،نواز بیٹھک۔۔۔۔اندر دی کہانی

لہور(سجن رپورٹ) بلاول بھٹوکوٹ لکھپت جیل وچ لیگی آگو نوازشریف نال گھنٹاملاقات کیتی، ملاقات ایڈیشنل جیل سپرنٹنڈنٹ دے کمرے وچ ہوئی ،جیہدے وچ سیاسی قوتاں نوں میثاق جمہوریت دے دائرے وچ لیان اتےاتفاق ہویا۔بلاول آکھیا،میاں صاحب تساں تن وار دے وزیر اعظم او،تہانوں بوہتی دیر قید نئیں رکھ سکدے۔ میاں صاحب آس اے اگلی ملاقات جیل توں باہر ہووے گی۔ نواز شریف ہس کے جواب دتا،ایہہ وی کہہ دیو، ملاقات چھیتی ہوئے گی،اوہناں آکھیا کجھ وی ہوجائےجیل مینوں نئیں توڑ سکدی،بلاول سابق وزیراعظم نوں سندھ وچ علاج دی پیشکش کیتی۔ نوازشریف جواب دتا، علاج تے آپو وی کراسکدے نیں، اجازت تے دین، حکمران علاج کران میرا تماشا ناں بناون۔اوہناں بلاول نوں آکھیا،اساں غلطیاں کیتاں سو کیتاں ہن غلطی دی گنجائش نئیں، ایہہ منندے آں باٹھ ترٹھ شق مکاون دی پیپلزپارٹی دی پیشکش ناں من کےغلطی کیتی۔
بلاول آکھیا حکومتی رویہ حالات وچ خرابی دا کارن بن رہیا اے۔اوہناں ایہہ کہیا، کسے مناسب ویلےمریم نواز نال ملاقات کیتی جاوے گی،
نواز شریف نوں بلاول تے دوجے آگواں نوں اک سکینڈ لئی کلیاں نئیں چھڈیاگیا۔ ملاقات کرن والیاں نوں شکر والی چا پیش کیتی گئی۔