اینکرز اتے پابندی:احتجاج مگروں پیمرا دی وضاحت

پاکستان الیکٹرانک میڈیا ریگولیٹری اتھارٹی (پیمرا ) نے اپنا شو کرن والے ٹی وی اینکراں نوں کسے دوجے ٹاک شو وچ تجزیہ کار بن کے جاون اتے پابندی لائی سی، ایس ہدایت نامے دی مڑ توں وضاحت وی کردتی۔ط
پیمرا دا کہنا اے کہ کسے صحافی یاں اینکر دے ٹاک شوز وچ شرکت اتے پابندی نئیں لائی گئی،پیمرا گل کرن دی آزادی اتے ہٹک لاون والا کوئی ہدایت نامہ جاری نئیں کیتا۔
پیمرا ولوں جاری وضاحت وچ آکھیا گیا کہ ہدایت نامے نوں بعض چینلاں نے غلط انداز وچ پیش کیتا، پیمرا دا ہدایت نامہ پہلاں توں پیمرا ایکٹ تحت موجود قنون مطابق جاری کیتا گیا۔
پیمرا دا کہنا اے کہ زیر سماعت مقدمیاں اتے گل بات تے تبصرے نہ کیتے جاون ایہہ پابندی پہلاں توں لائی اے۔ آئین پاکستان تحت اظہار رائے دی آزادی دی مکمل حمایت کردے آں۔
صحافیاں تے اینکرز نے پیمرا دی نویں پابندی نوں آمرانہ قرار دیندے ایہدی مذمت کیتی اے۔ اوہناں دا کہنا اے کہ پیمرا دی پابندی آئین وچ دتے گئے آزادی اظہار دے حق اتے ہٹک تے جابرانہ کارروائی اے۔