327

اپوزیشن دا 14 سینیٹرز نوں سامنے لیاون دا اعلان

اسلام آباد: چیئرمین سینیٹ صادق سنجرانی خلاف تحریک عدم اعتماد ناکام ہوون مگروں شہباز شریف دی اگوائی ہیٹھ اپوزیشن لیڈراں دا ہنگامی اکٹھ ہویا، جیہدے وچ فیصلہ کیتا گیا کہ جنہاں 14 سینیٹراں دھوکھا دتا، اوہناں نوں ننگیاں کیتا جاوے گا۔
اجلاس مگروں چیئرمین پیپلز پارٹی بلاول بھٹو زرداری تے دوجے آگواں نال اک پریس کانفرنس کردیاں مسلم لیگ ن دے صدر شہباز شریف آکھیا پارٹی پالیسی توں مکر جاون والے ممبراں خلاف کرڑی کارروائی دا فیصلہ کیتا گیا اے۔
شہباز شریف دا کہنا سی جنہاں 14 ممبراں اپنا ضمیر ویچیا، اوہناں نوں لبھیا جاوے گا۔ اسیں اگلے ہفتے آل پارٹیز کانفرنس (اے پی سی) بلاواں گے ۔
بلاول بھٹو نے آکھیا کہ ایہہ سینیٹ اتے حملہ اے جیہدا حساب لیتا جاوے گا، اسیں اپنی جماعت وچ وی ویکھاں گے اوہ کون سن جیہڑے دباو ہیٹھ آگئے۔ کون سن جنہاں اپنے ضمیر نوں ویچ دتا۔ 14 سینیٹرز اپنی پارٹی دی پیٹھ تے چھرا گھوبیا اے، اسیں اینہاں نوں نئیں چھڈاں گے۔
ایس توں مگروں پیپلزپارٹی دے سارے سینیٹراں اپنے استعفے بلاول بھٹو نوں پیش کردتے، جیہدے اوتے اوہناں آکھیا کہ چھیتی پتہ لگ جاوے گا، کیہدے نال کس نے رابطہ کیتا۔

اپنی رائے دا اظہار کرو

اپوزیشن دا 14 سینیٹرز نوں سامنے لیاون دا اعلان” ایک تبصرہ

  1. OPPOSITION NOO DIVISION DI MANG KARNA CHAHI THI KYUN JE ES TARAH OOS DE ARKAN LOBBY DE EK PASAY AUR SARKAR DE DOJAY PASAY GHALE JANDAY AUR OONHAN DI GINTRI HONDI . JE SPEAKER DI THAN SIDARAT KRAN WALA NA MANDA YEH SAREY WALLK OUT KARDAY AUR OPPOSITION BADNAMI TOON BACH JANDI.

تبصرے بند ہیں