323

آزادی مارچ: حکومت تے رہبر کمیٹی وچ معاہدہ

آزادی مارچ حوالے نال حکومتی مذاکراتی ٹیم تے اپوزیشن دی رہبر کمیٹی وچکار معاہدہ طے پاگیا اے۔
وزیر دفاع تے حکومتی مذاکراتی کمیٹی دے سربراہ پرویز خٹک میڈیا نال گل کردیاں ایس دی تصدیق کیتی کہ حکومتی کمیٹی تے رہبرکمیٹی وچ اک معاہدہ طے پاگیا اے۔
پرویز خٹک دا کہنا سی کہ جمعیت علمائے اسلام (ف) ایچ 9 دے اتوار بازار لاگے گراؤنڈ وچ جلسہ کرے گی تے اکرم درانی نے یقین دہانی کرائی اے کہ گراؤنڈ توں اگے نئیں آون گے۔
اوہناں آکھیا کہ ایچ نائن گراؤنڈ وچ جلسہ ہووے گا، حکومت کوئی رکاوٹ نئیں پاوے گی تے سڑکاں بند وی نئیں کرے گی۔
اک سوال دے جواب وچ اوہناں نے کہیا کہ رہبرکمیٹی نے وزیراعظم دے استعفے یا ویلے توں پہلاں انتخابات دا مطالبہ نئیں کیتا۔
‏پرویز خٹک نے رہبر کمیٹی دے کنوینر اکرم درانی نال ٹیلیفونک رابطہ کیتا جیہدے وچ لنگھی رات توں جاری ڈیڈلاک دا خاتمہ ہویا۔
‎‏فریقاں وچکار آزادی مارچ لئی تیسرےمقام اتے اتفاق ہوگیا اے۔ پشاور موڑ اتے جلسہ کرنے لئی اتفاق کیا گیا۔
ڈیل متعلق پرویز خٹک دا کہنا سی کہ کوئی ڈیل نہیں ہوئی، اسیں جمہوری لوک آں تے اجیہی گلاں اتے یقین نئیں رکھ دے آں۔

اپنی رائے دا اظہار کرو