آرمی چیف نال کوئی ڈیل نئیں، نواز لئی صدارتی معافی نئیں

کراچی: صدر مملکت عارف علوی نے اک انٹرویو وچ آکھیا کہ آرمی چیف دی ملازمت وچ وادھے دی سمری اتے دستخط کردتے نیں، ایہہ سبھ کجھ کسے ڈیل کارن نئیں کیتا گیا، اوہناں دا کہنا سی کہ اسٹیبلشمنٹ کسے نوں غیر مستحکم نئیں کررہی اے۔
صدر مملکت عارف علوی نے کہیا کہ وزیراعظم دا فرض اے کہ رائے سبھ دی لین تے فیصلہ آپ کرن۔
اک سوال دے جواب وچ کہیا کہ نواز شریف لئی صدارتی معافی دا کوئی آپشن نئیں، میں سمجھوتہ کرن والا صدر نہیں، پارلیمنٹ قانون سازی کرکے سابق وزرائے اعظم لئی معافی کا قانون بناسکدی اے۔
صدر مملکت نے آکھیا کہ میں جاندا آں پئی نواز شریف بیمار نیں، ایہہ گل بالکل درست اے شریف فیملی چاہندی اے کہ باہر علاج ہووے، ایس مسئلے اتے عام لوگ شکایت کردے نیں، اوہناں نال وی اجیہا سلوک ہونا چاہیدا اے، ایہو سوالیہ نشان اے جیہدا کوئی حل کڈھنا ہووے گا، ایہہ حل وزیراعظم عمران خان اوہناں دی کابینہ تے ساڈا قانون کڈھے گا۔