352

آرمی چیف دی توسیع دا فیصلہ،وزیراعظم دا ہور آپشنز اتے غور

آرمی چیف دی مدت ملازمت وچ وادھے حوالے سپریم کورٹ دا تفصیلی فیصلہ آون مگروں وزیراعظم عمران خان مختلف آپشنز اتے غور کررہے نیں۔

ذرائع دا کہنا اے کہ فیصلے اتے نظرثانی دی درخاست دائر کرنی اے یاں قنون سازی؟ ایس حوالے نال سرکار سپریم کورٹ دے فیصلے دا جائزہ لے رہی اے۔
جیو نیوز مطابق وزیراعظم عمران خان مختلف آپشنز اتے غور کررہے نیں تے حتمی فیصلہ اوہ کرن گے۔
ماہر قانون بابر ستار دا کہنا اے سپریم کورٹ فیصلے اتے عملدرآمد لئی پارلیمنٹ نوں قانون سازی کرنی ہووے گی۔
آئین وچ ترمیم دی ضرورت نئیں، حکومت نے عدالت نوں یقین دوایا سی کہ 6 مہینے وچ قنون بنالیا جاوے گا،ایس لئی نظرثانی مطلب مڑتوں غور نئیں کیتا جاسکدا۔
سپریم کورٹ دے تفصیلی فیصلے وچ آکھیا گیا کہ جے چھ مہینے وچ قانون ناں بن سکیا تاں آرمی چیف جنرل قمر جاوید باجوہ 29 نومبر 2019 توں ریٹائر تصور ہوون گے جیہدے مگروں صدر پاکستان وزیراعظم دے مشورے اتے کسے حاضر سروس جنرل نوں آرمی چیف بنادیون گے۔

اپنی رائے دا اظہار کرو