حفیظ خلجی
وزیرآباد دے شہرخلجیاں دے گھر ترقی پسند حفیظ خلجی جمیاں ،جھدے نین نشیلے جھدے یار سجن چھیل چھبیلے سیاسی دانشور پنجابی شاعر ، تے چتر کار نیں ،جہدی آواز وچ ھنکار نھیں للکار اے ۔ایھدی زات پچھے کوئی لکیاں تدبیراں نھیں ایھنوں گڑھتی جگ جہان دی اے ، جھدے بنیرے نہ اچے نہ نیوے ایہ” ھوا ” وانگوں کندھا ( دیوار ) چیر دا اے ، ایہ سب نوں سبق پڑاھدا ایھ “ھیر ” دا اے ایہ فرق کیتیا ویہڑیاں وچ پریت سنگیت دے رس گھولدا رھندا اے ، ایھنوں لوڑ نھیں واجیاں طوطیاں دی اوہ ویکھ ہر اک وچ کھلوتا نمانا حفیظ خلجی فقیر اے جھدی چال ، وچ “چال ” نھیں ،ایھدے حال وچ ھی ” حال ” اے ۔۔ شھر وزیرآباد وچ ھوندیاں ماڑیاں نوں ڈر نھیں ، سبھے لوکیں سمجھدے نیں ایھدا ساڈے اتے ہتھ نی۔۔ ایھدی عوامی سیاست چاھت اپنے آپ پئی پلدی اے ، چپ چپیتے سارے گھراں نوں نکو نک پئی کردی اے ۔ ۔ اوہ ٹیڈی اوہ ٹیڈی چار، چاء تے لیا ، ایہ ویکھ تاں ساڈے یار لنگوٹھئے آئے نی ۔کر ئیے پھلاں ایھناں دی ٹھل ٹکور فیر گلاں ھوون گئیا سانجھی پریت دیاں فقر سنگت سنگیت دیاں . ۔۔۔۔ اوئے ٹیڈی توں پھلاں چاء تے ٹور ۔۔۔۔۔ مین بازار ، ریل گلے تیڈی ٹی سٹال ساھمنے ایھدا رھن بسیرا اے ، مترا اے روز دیھاڑیاں دا چانن ویھڑا اے ، ایھ کسے دے لالچ وچ نھیں آیا نہ حسرت نہ ملال پر فیر وی ساری دنیا نوں اپنی فراخدلی وکھا دتی ۔ حفیظ خلجی دی شاعری سمندروں ڈونگھی اے ھر اکھر وچ دنیا لکی اے ,کتیں SYMBOLIC لفظاں دی چوفیرے ھنیری اے کتیں جوڑ پیا ھڈورتی دا تے کتے لگیاں اڈیکاں ساھواں دیاں ، کتیں اندر لگے مچ ناڑیاں اگ دھکاون دے، کتیں زورآوراں ویکھیاں اپنیاں طاقتاں لیرولیروے تے کتیں اساریاں جاگیراں معصومیت دیاں ۔۔۔۔ حفیظ خلجی ساڈے شھر وزیرآباد دا مان تران اے تے اخیر وچ اک لائین حفیظ خلجی بارے……. تیرے جئے پتر جمن مانواں کدھرے کدحرے کوئی
382
