کراچی دے علاقے ‘کمہار واڑا’دی مٹی دے بھانڈے بناون والی مائی خدیجہ بی بی حیاتی دا ایہہ سبق سناون مگروں کجھ چر چپ ہو گئی،اوس دی انگلاں پہیے اتے چلدی رہیاں۔ایس اماں نوں ویکھ کے معلوم ہوندا اے ،اوس ڈھڈا اوکھا ویلا وڈے حوصلے ،ہمت تے محنت نال گزاریا، اوس دی مونہہ اتے جھریاں لنگھے ویلے دی نشانیاں وکھارہیاں سن۔
مائی اپنی یاداں دی پٹاری وچوں گلاں کڈھیاں تے دسیا،اوہ 25 ورھے دی سی،جد اوہ بیوہ ہوگئی، اوس دا گھروالا فوج وچ ملازم سی، اوہدے مرن مگروں معلوم ای نئیں سی کہ مرن والے دا کوئی حساب کتاب وی ہوندا اے،خدیجہ بی بی نے دسیا اوس نوں کوئی کم نئیں آندا سی، ہاں اینہاں جان دی سی اوس نوں زندگی کا بھار چکنا اے، مٹی ایسی شے سی جنہوں اوہ ہتھ لاسکدی سی۔مٹی سونا تے ناں بن سکی ہاں اوس داپیٹ بھردی رہی۔
خدیجہ بی بی ‘کمہار واڑا’ وچ مٹی دے برتناں دی فیکٹری وچ دہاڑی اتے کم کردی اے،
مٹی دے برتن بناون والیاں 10 توں 15 فیکٹریاں نیں اوہناں وچ کم کرن والا ہربندہ اپنے فن دا ماہر اے۔
622
