پاکستان دی ڈرامہ انڈسٹری اتے چار دہائیاں تیک راج کرن تے ہر کردار وچ سما جان دی صلاحیت رکھن والے اداکار عابد علی انتقال کر گئے۔ اوہناں دے گھر والیاں ہسپتال وچ انتقال دی تصدیق کر دتی اے۔
عابد علی دی دھی اداکارہ رحمہ علی نے انسٹا گرام اتے اپنے والد دا ہتھ پھڑے اک تصویر شیئر کیتی نالے ایہہ لکھیا کہ ’میرے ہتھاں وچ میرے باپ نے اپنی آخری ساہ لیتے، مینوں افسوس اے کہ میں ایس ویلے کال ریسیو نہیں کرسکدی، میڈیا لئی تصدیق کردی آں کہ ہاں اوہ ٹر گئے نیں۔‘
علی نوں یرقان دی شکایت اتے ہسپتال لے جایا گیا سی جتھےجہاں ڈاکٹراں نے جگر دے کینسر دی تشخیص کیتی، جیہدے مگروں اوہ لہور تے فیر کراچی وچ علاج کراندے رہے۔
عابد علی دی تن بیٹیاں نیں جنہاں وچ وڈی بیٹی ایمان علی اداکارہ تے ماڈل جدکے دوجی رحمہ علی وی اداکارہ نیں۔
اداکار عابد علی نے 70 توں 90 دی دہائی تیک پی ٹی وی دے کئی مقبول ڈرامیاں وچ کم کیتا جنہاں وچ ’وارث‘ ‘پیاس’، ‘دوریاں’، ‘دشت’، ‘مہندی’، ‘دیار دل’ شامل نیں۔
عابد علی دی پیدائش کوئٹہ وچ ہوئی سی۔ سکول دے دناں وچ لکھن پڑھن تے مصوری دا شوق سی۔ 1969 وچ کالج دے دناں وچ ریڈیو اتے اپنی کرشماتی آواز دے سحر نال سب نوں متاثر کیتا۔ 1973 لہور چلے گئے جتھے پاکستان ٹیلیویزن اپنی قسمت آزمان دی کوشش کیتی تے وارث ورگے سُپر ہٹ ڈرامے توں شہرت پائی۔
کامیابی دا سفر چلدا ریہا۔
565
