432

اج نہ دس

کل دی گل فیر کل تے رہن دے اج نہ دس
کل جو ہونا اے ہو کے رہوے گا اج نہ دس

ملاں اج مزدور دی من زکوات دے بارے بول
کئی دناں دے بھکے نوں نماز روزہ حج نہ دس

انصاف دی رنڈی کس نچائی ایہہ گل اج توں کھول
قلم توڑ کے رویا کیوں سی جج نہ دس

اوہ رب اے اس دے کولوں کاہدا پردا
اس دے ساہمنےدرد دی گٹھڑی کج نہ۔۔۔ دس

مٹیار دی اکھ نے کیویں اوہنوں انیہاں کیتا بول
کدے ہوندی سی اس گبھرو دی دھج نہ دس

لکھاری
وقاص ضیاء

اپنی رائے دا اظہار کرو