745

اج آکھاں وارث شاہ نوں


امرتا پریتم اک شاعرہ تے ناول لکھن والی سن، اوہ گوجرانوالہ وچ 31 اگست 1919پیدا ہوئیاں ، اوہناں دی اک سیکڑے توں ودھ کتاباں چھپ چکیاں نیں، امرتا پریتم بھارتی ایوانِ بالا راجیہ سبھا دی ممبر رہیاں نیں، اوہناں نوں بھارت دا سبھ توں وڈا سمان پدم شری ایوارڈ ملیا ۔ایس توں علاوہ اوہناں نوں ساہتیہ اکیڈمی ایوارڈ تے کجھ ہور اعزاز وی ملے۔ جنہاں وچ پنجابی ادب لئی گیان پیتھ ایوارڈ وی شامل اے۔ ساحر لدھیانوی نال اوہناں دا عشق بوہت مشہور ہویا، جیہدا ذکر اوہناں دی کتاب رسیدی ٹکٹ وچ اے۔

امرتا پریتم دی سبھ توں مشہور نظم “اج آکھاں وارث شاہ نوں ” اے، جیہدے وچ اوہناں نے تقسیم ہند دوران ہوئے مظالم دا مرثیہ پڑھیا ہے۔ ۔ اج اوہناں دی اک سو ویں جنم ورھے گنڈھ اے۔

اج آکھاں وارث شاہ نوں، کتوں قبراں وچوں بول
تے اج کتابِ عشق دا کوئی اگلا ورقہ کھول
اک روئی سی دھی پنجاب دی توں لِکھ لِکھ مارے وَین
اَج لَکھاں دھیآں روندیاں، تینوں وارث شاہ نوں کَیہن
اٹھ دردمنداں دیا دردیا تک اپنا دیس پنجاب
اج بیلے لاشاں وچھیاں تے لہو دی بھری چناب
کسے نے پنجاں پانیاں وچ اج دتی زہر رلا
تے اوہناں پانیاں نوں دتا دھرت نوں لا
جتھے وجدی پھوک پیار دی او ونجلی گئی گواچ
رانجھے دے سب ویر اج بھل گئے اوس دی جاچ
دھرتی تے لہو وسیا تے قبراں پیّئاں چون
پریت دیاں شہزادیاں اج وچ مزاراں رون
اج تے سبے کیدو بن گئے حسن عشق دے چور
اج کتھوں لیآئیے لبھ کے وارث شاہ اک ہور

اپنی رائے دا اظہار کرو