پاکستان انڈیا نوں ہراسکدااے؟

بھارتی کرکٹ تجزیہ کار ناگراج گولاپوڑی مطابق سرفراز تےکوہلی دی بلے بازی دامقابلہ کرنا جائز نئیں اے، کوہلی دنیا داوڈا بلے باز اے، اوہناں داموازنہ سرفراز نال چنگانئیں۔ میری رائے وچ تکنیکی طور اتے سرفراز کوہلی توں بہتر کپتان اے ۔ناگراج گولاپوڑی نے پاکستانی فیلڈنگ دے معیار اتےتبصرہ کردیاں آکھیا کہ ’میں بوہت حیران آں کہ پاکستان دی فیلڈنگ مایوس کُن رہی اے ایس دےباوجود اوہناں دی فٹنس دامعیار انڈیا دی نسبت کافی زیادہ اے۔
کیہ پاکستان ایس واری انڈیا نوں ورلڈ کپ وچ ہرا پائے گا؟
ایہدے جواب وچ پاکستانی تجزیہ کار حسن چیما آکھیا کہ آسٹریلیا خلاف کھیڈے گئے میچاں وچ شاداب خان نوں ٹیم توں باہررکھنا اک بہت وڈی غلطی سی۔ جے مینوں ایتوار والے میچ لئی ٹیم چنن دا آکھیاجاوے تاں میں شعیب ملک دی تھاں شاداب نوں ٹیم وچ لے آؤں تے شاہین آفریدی دی تھاں عماد وسیم نوں شامل کراں ۔ کیہ پاکستان بھارت نوں ایس وار ہراکے تریخ لکھے گا، حسن چیما دا آکھنا سی کہ آس اتے دنیا قائم اے۔پاکستانی بلے باز بابر اعظم انڈیا لئی بوہت خطرناک ثابت ہوسکدے نیں۔