1,109

تیرا کھیڈن نال پیار جندو

لکھاری . زاھد اقبال بٹ
جنھاں تحریکاں وچ سوانیاں دی رلت تے اونھاں نوں اچیچی تھاں دیون دا خوف پارٹیاں نوں ھوندا اے اوتھے اجیھے مرد آگوآں دی مونھ زوری تے لٹ مار دا بازار ھمیشہ گرم رھندا اے تے تریخ گواہ اے کہ مرد لیڈر دے مرن مگروں سارے چولی چک مرد لڑناں پھڑناں چھو دیندے نیں تے اوکھے ویلے سب جنونی مرد لیڈر رفو چکر ھوکے ٹولیاں دے شکل وچ اپنے اپنے مفاداں دیاں جنگاں شروع کر دیندے نیں تے دوجے پاسے دانشور حضرات تے آسانی نال ای مکھ موڑ لیندے نیں کیونجے اوہ کسے ویلے وی دغا دے سکدے نیں.ایھ وی سچ اے کہ دنیا وچ سب توں وڈے غدار وی سوجھوان ھی ھوندے نیں جیکر عالمی سماج ول نظر دوڑائیے تے سوانیاں بارے رائے کجھ ھور ای نکلے گی۔اوہ اپنے لیڈر دے مرن مگروں ایس پٹ سیاپے تے مادھاڑ ایس شدت نال نھیں کرن گیاں تے نا ھی جنگ جیئے مکروں کھیڈ دا حصا بنن گئیا او ہ اوکھے ویلے سزا بھگتن واسطے وی تیار ھو جاون گیاں جد کے مرد حضرات ایس اوکھی گھڑی وچ بوریا بستراں گول کر کے زمین ھیٹھاں غائب ھوندیاں منٹ لاون گے تے فوری اپنے نویں شکار دی تلاش شروع کر دیون گے جد کے کجھ نظریاتی کامے مرن تائیں سنگ نھیں چھڈدے بلکے اک انچ وی اگانھ پچھاں نھیں ھووندے۔ عورت ماں ھووے یاں دھی ،بھین ھووے یاں بھابھی، ایھناں سبھاں دے اپنے رنگ ،سنگ تے انگ نیں سچ اکھاں تے ایھ ساریاں عورتاں حیاتی دا ڈھنگ نیں ۔ جیویں اوہ سوھنے ڈھنگ نال اوکھے سوکھے ویلے گھر سنبھال لیندیاں نیں ایسے طرحاں اوہ ملک دے سماجی معاشی ماملے تے اوھدیاں اوکڑاں نوں وی حل کر سکدیاں نیں جنھاں ملکا ں نے عورتاں نوں نال رلا کے سماجی معاشی تے سیاسی ماملے ٹورے تے سٹے چ اونھاں ملکاں دیاں عمارتاں کھنڈر ھوون توں بچ کئیاں کیونجے ایھناں ملکاں دی ادھی آبادی دیاں عورتاں نے مرداں نوں من مانی کرن توں ڈکیا ھویا اے ، جنھاں ملکاں نے سوانیاں نوں ٹوکرے ھیٹھ ڈک کے رکھیا اوہ بھگتن واسطے تیار رھن۔

اپنی رائے دا اظہار کرو

2 تبصرے “تیرا کھیڈن نال پیار جندو

تبصرے بند ہیں