805

سوکھی تے ستھری نوکری کروگے؟

تسیں اجیہی ملازمت جنہوں دنیا دی ودھیا ملازمت کیہا جاسکدا کرنا چاہوگے،جیہدے وچ تہانوں کجھ وی نئیں کرنا پئے گا، نرا تہانوں اک تھاں توں ہلنا وی نئیں۔امریکی خلائی ادارے ناسا وچ ملازمت دی پیشکش اے، جیہدے لئی کسی سائنسی ڈگری یا محنت دی لوڑنئیں،فیر تسیں اک وار سوچ لوو۔
ناسا دی ایس نوکری لئی، دومہینے تیکر بستر اتے لیٹنا ہووے گا۔ایس دامقصد مصنوعی کشش ثقل دے انسانی جسم اتے اثرنوں سمجھنا اے۔
آرٹی فیشل گریویٹی بیڈ ریسٹ اسٹڈی نامی ایس تجربے نوں ناسا یورپین اسپیس ایجنسی دی جرمن ایرو اسپیس سینٹر ساجھے داری نال لیان داآہرکیتا۔ ناسا 12 زنانیاں تے 12 مرداں نوں بھرتی کرنااے،جنہاں نوں 60 دیہاڑ بستر اتے گزارناں ہوون گے۔ایہدا معاوضہ ساڑھے 18 ہزار ڈالرز (26 لکھ پاکستانی روپے)ملن گے۔

اپنی رائے دا اظہار کرو