402

دنیا دی آبادی 8 ارب ہوگئی، کوئی چنگی گل نئیں

دھرتی دے لوکاں گنتی 5 ارب تیک اپڑن وچ کئی ہزار ورھے لگ گئے، ایہہ 1987 دی گل ہووے گی، اینہاں لنگھے 32 ورھیاں وچ ایہہ گنتی اٹھ ارب تیک اپڑ گئی۔ 11 جولائی نوں لوکاں دی گنتی دا عالمی دیہاڑ سی، اکمٹھ قوماں دی تنظیم یواین او دے سیانے ایس موقعے اتے ڈاھڈے چنتئی سن پئی دھرتی دے وسنیکاں دی گنتی بوہت تیزی نال ودھ رہی اے۔
اوہناں دسیا نرے 9 ملک انڈیا، نائیجیریا، پاکستان، کانگو، ایتھوپیا انڈونیشیا، مصر ، تنزانیہ تے امریکا 2050 تیک دنیا دی ودھن والی آبادی دا ادھے توں ودھ حصہ پاون گے۔
تنظیم نے چنتا کیتی پئی ماڑے تے غریب ملکاں وچ لوکاں نوں لمی حیاتی دیکھنی نئیں ملدی۔
آوندے 30 ورھیاں وچ عمر 72.6 توں ودھ کے 77.1 ہوجاوے گی ماڑے ملکاں وچ عمر اینہاں دے مقابلے 7.4 ورھے گھٹ رہے گی۔ اوہدا کارن اوتھے زچہ بچہ دی موت، ایڈز ایچ آئی وی، پھیلن والے روگ دی شرح ودھ اے۔
رپورٹ ، سی این این

اپنی رائے دا اظہار کرو