336

امن معاہدے مگروں امریکا دا طالبان اتے پہلا حملہ

افغانستان وچ امریکی فوج دے ترجمان نے حملے دی تصدیق کردیاں دسیا کہ ہلمند صوبے وچ 4 مارچ نوں طالبان جنگجوؤں اتے فضائی حملہ کیتا گیا اے۔
ترجمان دا آکھنا اے کہ طالبان افغان فورس دی چیک پوائنٹ نوں نشانہ بنا رہے سن، فضائی حملہ طالبان دی کارروائی نوں روکن لئی کیتا گیا۔
امریکی فوج دے ترجمان دسیا کہ طالبان خلاف 11 دن وچ ایہہ پہلا امریکی حملہ اے، طالبان نے عالمی برادری توں تشدد وچ کمی، حملے ناں ودھان دا عہد کیتا سی، طالبان غیر ضروری حملے روکن تے وعدیاں دی پاسداری کرن۔
امریکی فوج نے کہیا کہ اسیں امن لئی پک کیتا اے لوڑ پین اتے شراکت داراں دی راکھی کراں گے، ساڈے اتے افغان فورس دے دفاع دی ذمہ واری اے۔

اپنی رائے دا اظہار کرو