پاکستان فلم تے ڈرامہ انڈسٹری دی مشہور اداکارہ کبریٰ خان نے اپنی حیاتی دے روحانی سفر بارے گلاں دسیا نیں۔
اک انٹرویو وچ اوہناں آکھیا کہ لنگھے کئی ورھیاں توں اوہناں دی زندگی وچ کجھ کارناں توں کئی تبدیلیاں آئیاں۔
اداکارہ نے دسیا کہ ہر کسے دی زندگی وچ کدے ناں کدے اک اجیہا ویلا ضرور آندا اے جد ساری شیواں 180 ڈگری زاویے نال گھوم جاندیاں نیں، میرے اتے ایہہ ویلا پچھلے ورھے آیا۔
اوہناں دے کہنا سی میں اج وی کوشش کرنی آں کہ اک بہتر انسان بن سکاں لیکن میں اج پہلے دی نسبت زیادہ مطمئن تے زیادہ پُرسکون آں۔
اداکارہ نے دسیا پچھلے سال میرے اندر روحانیت جاک اٹھی، جتھے پیسہ، مال دولت شیواں تے شہرت جیہڑی کہ زندگی دا حصہ نیں لیکن میں ایس سبھ نوں اپنے نال نئیں لے جاسکدی، ایہہ ایوارڈز اللہ سامنے کوئی حیثیت نہیں رکھدے۔
کبری خان دا کہنا سی میں مردے وقت تے اللہ دے سامنے پیش ہوندے وقت خوفزدہ نئیں ہونا چاہندی۔
407
