بھارت : موبائل گیم ’پب جی‘ تےپابندی دامطالبہ

(‘اے پی’ دی رپورٹ) بھارتی حیدرآباد وچ 16ورھے دے پڈھیارنے انگریزی دے امتحان دی تیاری بجائے آن لائن گیم کھیڈن اتے ماں دی چھاڑمگروں پنکھے نال لمک کے اپنی جان لے لئی۔ ایس وقوعے مگروں منڈے دے پیو نیں پلیئرز ان نونز بیٹل گراونڈز(Player Unknown’s Battle Grounds)’پب جی‘ دے ناں توں مشہور گیم اتے پابندی دا مطالبہ کیتا اے۔
پابندی دے حامیاں دا آکھنا اے گیم خطرناک حد تیک کھیڈن والے دا دھیان اپنے ول لالیندی اے۔
بھارتی خبررساں ادارے دی رپورٹ مطابق ایس ورھے مارچ وچ ریاست مہاراشترا وچ 2 جوان ریل دی پٹڑیاں کول فون وچ گیم کھیڈن وچ رجھے سن ایس دوران ٹرین تھلے آکے ہلاک ہوگئے۔
پب جی جنوبی کوریا دی کمپنی تیارکیتاجس وچ کھڈاری اک جزیدے اتے اتردااے فیردوجے کھڈاری نال لڑن لگدااے۔