519

پنسل دی کہانی

لکھاری پاولو کوہیلو
التھا۔ اکرم ہدایت اللہ

اک نیانا اپنی دادی نوں خط لکھدا ویکھدا اے تے پچھدا اے، دادی تسی ایہوئی لکھ رے ہو ناں بھئ اسیں کیہ کر دے ہاں، یا تسیں میری کہانی لکھ رے او؟ دادی نے پتر لکھنا بند کرکے اپنے پوترے نوں کہن لگی، میں تیریاں گلاں ای لکھ رئیں آں، پر لفظاں تو مہنگی پنسل اے جیہڑی لکھ رہی اے، میں چاہندی آں تو وڈا ہو کے ایس پنسل ورگا بنیں. پریشان نیانا حیران ہو کے پینسل ول ویکھدا اے، جیہڑی عام پینسل ورگی ای جاپدی سی. تے آکھیا پر اے تے عام پینسلاں ورگی لگدی اے، دادی کہندی اے تیرے تے وے بھئ توں شیواں نو کیویں ویکھدا ایں، پنسل سچ پنج ودیاں گلاں نے جناں نوں توں پلے بنھ لویں تے توں دنیا نال ہمیش سکھ نال رویں گا. پہلی : تیرے وچ بڑیاں خوبیاں نے، پر اے ناں بھلیں پئی تیرے پچھے اک ہتھ اے جیہڑا تیرے پٹے پیراں نوں راہ پیا دس دیاں اے، اے ہتھ نوں اسی رب کہنے ہاں تے اوہ ساہنوں اپنی مرضی نال راہ وکھاندا اے. دوجی: کدی کدے میں لکھنا چھڈ کے شارپنر یا چاقو استعمال کرنی آں. ایہدے نال پینسل نوں تھوڑی پیڑ تے ہوندی اے پر اوس توں بعد اوہ بڑی تیز وی ہو جاندی اے، ایس لئ تینوں وی پیڑ سیہہ کے چنگا ہونا پئے گا. تیجی: پینسل ساہنوں غلطی ہٹا کے اوہنوں ٹھیک کرن دا موقعہ دیندی اے، مطلب اے وے بئ کہ اپنی غلطیاں ٹھیک کرنا کوئی بری گل نئیں، ایس نال اسیں انصاف دی راہ تے چلدے رہنے آں. چوتھی: پینسل دا لکڑی دا جسم ای اہم نئیں بلکہ اوہدے اندر گریفائیٹ اے. ایس لئی ہر ویلے دھیان رکھو بھئ تہاڈے اندر کیہ ہو رہیا اے. آخری: پینسل ہمیشہ اپنا نشان چھڈ دی اے. ایس طرح یاد رکھ پئی توں جو وی کریں گا اوسدا نشان پیچھے رہ جائے گا.

اپنی رائے دا اظہار کرو

پنسل دی کہانی” ایک تبصرہ

تبصرے بند ہیں