206

نی مائے ….. لوکیں مینوں جیون نھیں دیندے ….. لکھاری زاھد اقبال بٹ

لکھاری .. زاھد اقبال بٹ
اک نمانی ماپیاں دی شہزادی نے اقبال پارک لہور وچ چار سو مرداں نوں وحشی درندے بن دیاں ، ہسدیاں دند تے اکھآں کڈھدیاں ، ھتھاں راہیں زہر اگل دیاں ، ھلہ بولدیاں ویکھیا۔ مینوں یقین سی کہ اس سارے جتھے وچ کجھ غیرت مند وی ھوسن جو اس اوکھی گھڑی ویلے مینوں بچا لیون گے پرایہ بچاون والے غیرت مند درندیاں نوں حراسگی ، حرام خوری تے منافقت کردیاں ویکھیا اپنے وہم تے شک نوں یقین وچ بدلدیاں ویکھیا ،مرد سڑکاں نوں اپنی جاگیر سمجھدے نیں ، ٹردی اکلی سوانی نوں حقیر سمجھدے نیں ،اپنے کھوپڑے دے گند نوں عورت دی تکثیر سمجھدے نیں اک پاسے کھوچل شکرے دعوے کردے تھکدے نھیں کہ اساں عزتاں دے راکھے آں پر دوجے پاسے ڈاکے مارن والیا دے جدی پشتی شکریاں دے راکھے آن ،کھوچل شکریاں تھاں تھاں عزتاں دی لٹ مچائی اے سڑک ھووے بازار ھووے بھاویں پارک ھووے ، ایہ بے لگام گھوڑیا ھر تھاں انھی مچائی ھوئی اے پر ایہ کھولدا لاوا زورآوراں لاڈلیاں دیاں نظراں توں اوھلے نھیں‌ ، ایہ عورتاں نوں انسکیور کرن دا ٹیکہ سسٹم دی مشروط رام کھانی اے ، کھوچلا اپنا ساہ کڈھن لئی دھگانے ساڈا ساہ کڈھنا اے ۔۔۔ سانوں مان سی اپنی رنگیلڑی دھرتی دا ، ھستی دا ، تساں ساڈے تن دا ماس بدو بدھی اپنی مرضی نال ھنڈاونا اے ۔ ھن افسوس کیس گل دا ، نسلاں نوں جو پڑاھیا سکھایا ، کھوجیا ،بیجیا اوہ ھی رنگ سر متھے اتے آیا اے ، تیرے پورنیاں وچ کوڑہ کرودہ تیری میری دیاں جھوٹی سچی کوڑی کسیلی ہٹ دھرمی دیاں بے رنگ کلاکاریاں ، چترکاریاں چمتکاریاں سن ، سچ پچھے تاں ساری دی ساریاں تیری مداریاں سن ، مداریاں سن ،،،،، اخباراں ٹی وی اتے درندیاں بارے سن دی رھنی ساں ، پر چار سو درندیاں دی غنڈہ گردی اتے ہراسگی دا نکڑ تماشا ہزاراں لوکاں ساہمنے پہلی واری پروان چڑہ دیاں ویکھیا ، انصاف ترازوں دے اک پلڑے وچ سہمی کرلاندی اک قسمت ماری لکی بیٹھی موت جوگی ، تے دوجے پلڑے 28000 کلو وحشیاں دے ٹولے نوں کنڈے اتے برابر چونکڑی مارے بیٹھیا ویکھیا ، خون دی ھولی کھیڈن والیا دیاں مورتاں صورتاں تکدیا رھنی ساں ، اجیئے رہزناں دیاں گھوریاں ، بھک ہوس دے ماریاں نوں ،اج اپنی دھی بھیں اتے چڑھائی کردیاں پیلی وار ویکھیا ، مانواں ٹھنڈیاں چھانواں دا عکس ساڈے چا رچوفیرے گھمدا رھندا اے ، گودی کھڈائے بد کردار خرکاراں دا خون دی تھاپ اتے عزتاں رولن دا کمال رقص اج پہلی وار ویکھیا ، ڈرامیاں دے لکھاریوں سو سو بڑھکاں دے کھڈاریوں ، ٹھاڈے تھک پوڈر نےبے قصور عورت نوں نظراں دا فطور بنا دتا ، سیٹھا ڈرامے بازا ں کیہ اے تیرے پلے ، اپنی ہتھی پالی دھی رانی دی عزت ساھمنے لٹا بیٹھا ، پنجاب پلس بلیار کھندا اے جے توں ادھی راتیں موٹر وے اتے اکلی نہ جاندی تے ایہ کجھ نہ ھوندا ، اسلام آباد پلس تے لوک ، کڑی دے قتل اتے کیہ رھے نِیں کہ شیییییییی ۔۔۔۔۔۔ خاموش رھیں اندر لڑکی قتل ھو رھی ھے ، کوئی اپنی جگہ سے نھیں ہلے گا ، ای ۔۔۱۱ وچ کزن دے ساھمنے درندگی واحیاتی کرن والیا خلاف نوٹس نوٹس کھیڈیا جا رھیا اے ھسدے وسدے شھر لہور وچ خونخوار جتھے دے ساھمنے اک نمانی نال اوھدی مرضی خلاف ہراسگی درندگی کیتی گئی .،،،، ایہ سازش نھیں کھرانٹا ۔۔۔۔۔۔۔ تیرے اندر چھپی ھوئی سفوکیشن سی ، سمجھ آئی ………. تے ھن کن کھول کے سن لو و ایس بد بودار ہراسگی درندگی دی چلی ھوا ہر تھاں گھم رھی اے ،ایس ھوا دے ساھمنےنہ کوئی کندہ نہ کوئی بوھے باریاں اس دا راہ ڈک سکد یاں نیں کیونجے خوف انھیرا کندھا پاڑہ اپنا رستا آپوں بنا لیندا اے

اپنی رائے دا اظہار کرو