440

نااہلی دی جت کیوں ہوندی

یورپی ماہر نفسیات ڈاکٹر ٹامس چامورو پریمیوزک دا آکھنا اے کاروبار تے سیاست وچ آگو لیڈر دا چناو کرنا اک وڈی ذمہ واری دا کم اے۔ اسیں لوکیں ایہہ ویکھے بغیر بھرتی کرلیندے آں۔ اوہ بندہ ساڈے یا ملک لئی فیدے جوگ وی اے یاں نئیں۔ اوس وچ عہدے اتے کم کرن دی صلاحیت وی اے یا نئیں۔
ڈاکٹر ٹامس کہندے نیں اسیں فیصلہ کرلیندے آں دوجے پاسے ایہہ جانن دا ڈیٹا ساڈے کول نئیں ہوندا کہ اوہ بندہ ایس جوگا اے پئی لیڈر دے طور کم کرسکے گا۔

ٹاس دا خیال اے اجیہے مرداں دی خود اعتمادی آپ تے بھروسا ودھ ویکھیا جاندا اے اوہناں دی صلاحیت ول دھیان گھٹ دیندے آں۔ اسیں نکی جئی ملاقات یا سیاستداناں دے معاملے وچ ٹی وی اتے نظر آون والے پیغام دی بنیاد اتے کوئی رائے بنا لیندے اں۔
اسیں اجیہے سیاستداناں نوں پسند کردے آں جیہڑے زبردست شخصیت والے ہوندے تے دل پرچاون دا انداز رکھدے نیں۔ اوہناں نال ویلا گزارن دا مزہ آوندا اے۔

ایس نال اوہناں دے چنگے ہوون دا پتہ نئیں چلدا۔ ایہہ جانکاری وی نئیں ہوندی پئی اوہناں دی آگوائی ہیٹھ تہاڈی ٹیم نوں فیدہ اپڑے گا؟
جد کوئی اپنا ایجنڈا اگے ودھاندا وکھائی دیندا اے، تے اسیں اوس نوں رد کرن یا ڈکن دی تھاں ایہہ محسوس کردے آں پئی اوہ بندہ آگوائی جوگ اے۔

اسیں اوہدے عشق وچ ڈپ جاندے آں۔ اوس دی کمزوریاں وی ساہنوں وکھائی نئیں دیندی آں۔
ڈاکٹر ٹامس دا آکھنا اے وڈے عہدے اتے زیادہ مرد کیوں ہوندے نیں۔ جے بھرتی ویلے مرد تے زنانی وچکار توازن اتے دھیان رکھیا جاوے تے ادھا مسئلہ حل ہوجاوے۔ ایہہ ضروری نئیں زنانی چنگی آگو ہوسکدی اے، پر ایہہ ضرور اے قابلیت دی بنیاد اتے زنانیاں ودھ آسکدیاں نیں۔
بی بی سی رپورت

اپنی رائے دا اظہار کرو