294

غلطیاں تے گل کرن دی اجازت نئیں

چینی کیمونسٹ پارٹی دے مڈھلے کامے لی روئی نے دوہزار تیراں وچ آکھیا سی چین دے صدر شی جن پنگ تے کیمونسٹ لیڈر ماوّزے تنگ دی ذات وچ اک سانجھی گل اے، دوہیں پچھلیاں غلطیاں بارے کوئی گل نئیں کرن دیندے۔ لی روئی نے ایہہ چیتاونی وی دتی کہ ماوّ وانگ شی جن پنگ وی ذاتی سوچ نوں اک پاسے رکھ کے بندے دی پوجا شخصیت پرستی کرانا چاہندے نیں۔ اوس آکھیا مینوں اینہاں دوہاں گلاں دا تجربہ اے۔

لی روئی 1937 وچ کمیونسٹ پارٹی لئی کم شروع کیتا۔ اوس ویلے چین تے جاپان وچکار ڈاھڈا جنگ ہوون نوں تیار کھڑی سی۔ ایس پاروں ہوون والی گھروکی جنگ راہیں پارٹی نے راج سانبھیا تے چین نوں عوامی جمہوریہ بنایا۔
لئی دسیا اوس ویلے اوہدی عمر 12 ورھے سی، 1958 وچ ماؤ نیں لی روئی نوں اپنا ذاتی سیکرٹری چن لیا۔ اوہ گھٹ عمر والا نائب وزیر بنیا۔ پر اوس چھیتی ای روئی نوں ماؤ دے ’گریٹ لیپ فارورڈ‘ منصوبے اتے تنقید کرن پاروں قید کردتا گیا۔

پارٹی نال اختلافاں دے باوجود روئی اوہناں انقلابیاں وچوں اک سن جنہاں دی چین وچ خاص جگہ سی۔ جیہدا مطلب اے کہ اوہناں نوں پارتی دے مسئلیاں اتے ذاتی صلاح دین دی آزادی سی۔
لوکاں نوں پرانی غلطیاں اتے گل دی جازت ہووے یا ناں ہو، روئی نیں فیر وی کیتی، اوہدے کماں پاروں تریخ لکھن والے ماوّ دی زیادتیاں دا اندازہ لگا سکدے نیں۔ اک سو اک سال دا لی روئی پچھلے ہفتے دے دیہاڑ دنیا توں ٹر گیا۔

اپنی رائے دا اظہار کرو