334

بیلٹ اینڈ روڈ منصوبے دا مقصد کیہ ا ے؟

بیلٹ اینڈ روڈ منصوبے کیہ کجھ اے تے ایہدا مقصد کیہ اے۔ ایس منصوبے نوں بوہت سارے ماہراں اپنے انداز نال بیان کرن دی کوشش کیتی اے۔ پر کھٹو کھٹ ایس گل اتے سانجھ اے پئی ایس اقتصادی راہداریاں وچ تجارت، آواجاوی، توانائی، سرمایہ کاری، ثقافتی وٹاندرے تے کجھ مڈ ھلے معاشی ڈھانچے شامل نیں ۔
بی بی سی دی رپورٹ وچ دسیا گیا اے ،چین ایس ویلے امریکا توں بعد د دنیا دی دوجی وڈی معیشت اے جے خریدن دی طاقت دے حوالے نال ویکھیا جاوے تاں سبھ توں وڈی اے۔
جنھاں ملکاں نوں چین بیلٹ اینڈ روڈ منصوبے وچ رلا لیا اے اوہدے وچ ترقی کرن والے ملکاں دی گنتری وادھو اے جو اس منصوبے نوں مقامی معیشت وچ ترقی لئی اچیچا موقع سمجھ رہے نیں،
اجے تائیں ایس بارے پکی گنتری سامنے نئیں آئی جو ایہہ ثابت کرسکے پئی چین دے ایس منصوبیاں توں شامل ملکاں دے متھے گئے ٹیچیاں داحاصل ہو رہیا اے یاں نئیں، چین نوں دنیا دے کئی ملکاں وچ منصوبیاں اتے کڑی تنقید دا سامنا کرنا پے رہیااے تے انج لگدا اےکہ بیجنگ وچ جاری دوجے بیلٹ اینڈ روڈ فورم وچ چینی صدر نے اجیہے معاملیاں دے خدشیاں نوں دُور کرن دی کوشش کیتی اے ۔
بیلٹ اینڈ روڈ فورم 2019 کیہ اے؟
پروفیسر ڈاکٹراعجازحسین موجب ایہہ بھوں سارے ملکاں دے جتھیاں دا فورم اے، ایہدا مقصد دنیا دے ملکاں نوں اس پاسے ولناں اے کہ اوہ بیلٹ اینڈ روڈ منصوبے دا حصہ بنن، اس توں اڈکےاس منصوبے دی پروجیکشن تے مشہوری کرنا اے تیجسا مقصد منصوبے وچ پھلاں توں شامل ملکاں نال ھتہ جوڑی نوں ہورپکا پیڈا کرنا شامل اے۔

اپنی رائے دا اظہار کرو