411

سیاسی تبدیلی معاشی ہدف پورے نہ کرسکی

مشیرِ خزانہ عبد الحفیظ شیخ نے اکنامک سروے پیش کردتا نالے ایہہ وی آکھنا اے اوہناں دی نیت لوکاں نوں ڈرانا نئیں اے لیکن منگل نوں بجٹ وچ لوکاں سامنے معیشت دی اصل شکل تے اوس نال نبڑن جوگ کم رکھے جاون گے۔
مشیرِ خزانہ دا کہنا اے کہ عالمی منڈی وچ قیمتاں ودھن باوجود سرکار غریب طبقے اتے بھار نئیں پایا،بجٹ وچ ایس گل دا خیال رکھیا گیا اے۔

سرکار اقتصادی سروے دے سارے ہدف حاصل کرن وچ ناکام ہو گئی اے۔

قومی اقتصادی سروے بارے سابق چیئرمین بورڈ آف انویسٹمنٹ ہارون شریف دا کہنا سی کہ سال 2018-2019 لئی متھے گئے ٹیچے غیر حقیقی سن، ساڈی ترقی دی شرح نمو اتے جاندی اے فیر انتظامی ڈھانچے دی مدد نہ ملن پاروں تھلے نوں ڈگ دی اے۔ ایہدے کارن سارے ہدف حاصل نئیں کرپاندے۔

اپنی رائے دا اظہار کرو