353

بھارت دی نویں کابینہ ۔ کئیں وزیر بدل گئے

نویں دلی (سجن رپورٹ) نویں دہلی وچ بھارت دی نویں کابینہ بن گئی اے تے ایہدے وچ خزانہ, داخلہ, خارجہ, دفاع تے کئی ہور اہم محکمے نویں وزیراں نوں دتے گئے نیں. 57 وزیراں دی کابینہ وچ وزیر داخلہ امیت شاہ نوں بنایا گیا, پچھلے وزیر داخلہ راج ناتھ نوں وزیر دفاع بنا دتا گیا.پچھلی وزیر دفاع نرملا سیتا رامن نوں وزیر خزانہ بنا دتا گیا تے وزیر خزانہ ارون جیٹلی صاحب نوں وی پچھے ہٹا دتا گیا اے. پچھلی وزیر خارجہ سشما سوراج نے دوبارہ وزیر بنن توں معذرت کر لئی تے سبرامنیم جے شنکر نوں وزیر خارجہ بنا دتا گیا. اوہ نٹور سنگھ دے بعد بھارتی سول سروس دے دوسرے ریٹائرڈ ملازم نیں جیہنوں نویں دہلی وچ وزارت خارجہ سانبھن دا موقع ملیا اے. ریلوے, صنعت تے کامرس دی وزارتاں پویشگویل نوں دتیاں گئیاں نیں تے راہول گاندھی نوں الیکشن وچ دھوبی پٹکا مارن والی سمرتی ایرانی نوں عورتاں تے بالاں دی ترقی دی اہم وزارت دتی گئی اے. اقلیتاں دے معاملیاں دے وزیر پہلاں وی مختار نقوی سن تے ہن وی ایہہ وزارت اوہناں نوں ہی ملی اے.
نریندر مودی نے پچھلی کابینہ وچ مودی دے بعد وڈے وزیر دا درجہ راج ناتھ سنگھ نوں دتا ہویا سی تے اوس ویلے اوہ وزیر داخلہ سن, ہن تاج ناتھ نوں وزیر دفاع بنا دتا اے لیکن غیر اعلانیہ ڈپٹی وزیراعظم ہن وی اوہ ہی نیں کیونجے مودی نے حلف برداری وچ اپنے حلف دے بعد راج ناتھ نوں ہی حلف دوایا اے. پہلے وزیراعظم جواہر لال نہرو دے وقت توں ایہہ ریت پے گئی سی کہ وزیرداخلہ نوں نائب وزیراعظم سمجھیا جاوے گا, نہرو جی دے وزیر داخلہ ولبھ بھائی پٹیل بہوں طاقت والے سیاستدان سن لیکن بعد وچ کئی حکومتاں نے وزیرداخلہ نوں ڈپٹی پرائم منسٹر نہیں منیا. 2004 وچ کانگرس دے وزیراعظم من موہن سنگھ نے اپنا ڈپٹی پرناب مکھر جی نوں بنایا سی تے اوہناں نوں داخلہ دی تھاں دفاع دا ہی محکمہ دتا سی. مودی نی دی نویں کابینہ وچ اک اہم تبدلی اچی ذات دے ہنددواں نوں پہلاں توں ویودھ وزارتاں دتیاں گئیاں نیں. پہلاں اوہناں دی گنتی 20 سی ہن 33 ہو گئی. مذہبی تے نسلی اقلیتاں وچوں 12 وزیر بنائے گئے جیہڑے پچھلی واری 13 سن, دلت بندو برادریاں دے پچھلی واری 3 وزیر بنے سن ایس واری 6 دلت وزیر بنا دتے.

اپنی رائے دا اظہار کرو

بھارت دی نویں کابینہ ۔ کئیں وزیر بدل گئے” ایک تبصرہ

تبصرے بند ہیں