286

گل نئیں کرنی، بھارتی سرکار دا کشمیری لیڈر رہا کرن دا فیصلہ

مودی سرکار نے اپوزیشن دے احتجاج تے باہر دی دنیا ولوں دبا مگروں اجیہے گرفتار کشمیر آگو رہا کرن دا فیصلہ کرلیا اے جنہاں دی آزادی اوس نوں نقصان نئیں پہنچائے گی، اخبار دی ہندو دی رپورٹ مطابق مرکزی داخلہ وزیر نے 173 لیڈراں تے سیاسی کامیاں دی لسٹ تیار کیتی اے جنہاں وچ علاقائی جماعتاں نال تعلق رکھن والے شامل ہوون گے۔ ایہہ سارے ایس شرط اتے چھڈے جاون گے پئی اوہ کشمیر دی چالو صورتحال تے 370 آرٹیکل اتے چپ رہن گے۔
لنگھے وزیراعلیِ فاروق عبداللہ، عمر عبداللہ تے محبوبہ مفتی وی حراست وچ نیں اوہناں نوں وی اجہی پیشکش کیتی گئی اے اوہناں ایس نوں منن توں انکار کردتا اے۔ محبوبہ مفتی نے وزیرداخلہ نوں اک خط لکھیا اے جدے وچ کہیا گیا کہ گھروالیاں نوں ملاقات دی اجازت دتی جاوے۔
اودھر سپریم کورٹ نے قنون دے اک پڈھیار دی درخاست اتے اوس نوں کشمیر وچ اپنے گھر والیاں نال ملاقات دی اجازت دتی اے تے کشمیر انتظامیہ توں اوس پڈھیار نوں پوری سیکیورٹی دیون دی ہدایت کیتی اے۔

اپنی رائے دا اظہار کرو