163

کورونا وائرس: پاکستان وچ دوجی لہر ، کراچی وچ مائیکرو لاک ڈاؤن لاگو

(اسلام آباد ڈیسک 3 اکتوبر) پاکستان وچ کرونا وائرس دی دوجی لہر دے ڈر پاروں ملک دے وڈے شہر کراچی وچ وائرس دے کھلار نوں ڈکن لئی لاک ڈاون تیجے مرحلے وچ داخل ہو گیا اے تے شہر دے پنج ضلعیاں د ے بھیڑ والے علاقیاں وچ 15 دیھاڑیاں لئی مائیکرو لاک ڈاؤن لاگو کر دتا گیا اے ،کراچی ویسٹ دی یونین کونسل دے اٹھ علاقے سماما، صائمہ ولاز، ضلع وسطی دے علاقے نارتھ کراچی، نارتھ ناظم آباد، لیاقت آباد تے گلبرگ دیاں کجھ یونین کونسلاں ، ضلع جنوبی دے صدر ٹاؤن دے علاقے کریک وسٹا تے عسکری تھری، ضلع کورنگی وچ کورنگی، شاہ فیصل کالونی، تے ماڈل کالونی دیاں پنج یونین کونسلاں ، گلشن اقبال، عسکری فور، فیصل کینٹ، گلستان جوہر دیاں پنج یونین کونسلاں وچ مائیکرو لاک ڈاون لاگو کر دتا گیا اے ۔ چیتے رھوے کہ کراچی وچ چلدے ورھے مارچ وچ مکمل لاک ڈاؤن کیتا گیا سی .

اپنی رائے دا اظہار کرو