203

کورونا وائرس: دنیا دے 13 ملکاں وچ سکول بند

کورونا وائر س نے دنیا بھر دے 29 کروڑ بالاں نوں سکول جاون توں ڈک دتا۔
اقوام متحدہ دے ادارے یونیسکو مطابق وائرس کارن 13 ملکاں وچ سکول بند نیں جیہدے مگروں 29 کروڑ بچے سکول نئیں جارہے۔
دوجے پاسے سعودی عرب وچ کورونا وائرس دے دوجے کیس دی تصدیق ہوگئی اے جس مگروں سعودی سرکار نے اپنے شہریاں اتے وی عمرہ کرن اتے ہٹک لادتی اے۔
سعودی وزارت داخلہ مطابق سعودی شہری تے مملکت وچ رہن والے لوکیں عمرے لئی حرم وچ داخل نئیں ہوسکدے۔
کورونا وائرس 80 توں ودھ ملکاں تیک پھیل چکا اے، جیہدے کارن دنیا بھر وچ 3200 توں ودھ بندے ہلاک ہوچکے نیں جد کہ 95 ہزار متاثر ہوئے نیں۔

اپنی رائے دا اظہار کرو