272

کوئٹہ بمب دھماکے نال مرن والیاں دی گنتی 20 ہو گئی

کوئٹہ (سجن رپورٹ) کوئٹہ دی ہزار گنحی سبزی منڈی وچ اج سویر بمب دے دہشتگرد حملے وچ مرن والیاں دی گنتی ودھ کے 20 ہو گئی اے، سبزی منڈی توں درجناں پھٹڑ شہر دے ہسپتالاں وچ لیاندے گئے۔ دھماکے دے بعد ڈی آئی جی عبدالرزاق چیمہ نے دسیا سی بئی بمب دھماکہ اک دوکان وچ پئی ہوئی آلوواں دی بوری وچ ہوئیا لیکن ہن کہیا جاندا پیا اے بئی ایہہ کوئی خودکش حملہ جاپدا اے۔ ایہہ وی دسیا جا رہیا اے کہ بمب پاٹن نال مرن والیاں وچ فرنٹئیر کانسٹیبلری دا اک جوان وی شامل اے تے پھٹڑاں وچ چار ایف۔سی اہلکار شامل نیں۔ اج سویر بمب دھماکے دے بعد 11 لاشاں سول ہسپتال لیاندیاں گئیاں جد کہ بولان میڈیکل کمپلیکس وچ 3 لاشاں پہنچیاں، باقی موتاں ہسپتال وچ علاج دے دوران ہوئیاں۔

ہزارہ برادری کوئٹہ وچ ہزارہ ٹاون وچ رہندی اے، ایس برادری تے دہشت گرداں دے حملیاں نوں ڈکن لئی ہزارہ ٹاون توں روزانہ سبزی خریدن لئی سبزی منڈی جاندے نیں تے ایف سی دی نفری اوہناں دے نال چلدی سی۔ ڈی۔آئی جی کوئٹہ عبدالرزاق چیمہ نے اج بمب دھماکے دے بعد پتر کاراں نوں دسیا کہ اج سویرے ہزارہ ٹاون توں 55 سبزی فروش تے مزدور ایف سی دی نگرانی وچ منڈی آئے سن اوہناں وچوں 8 بمب دے دھماکے وچ شہید۔ہو گئے۔ ڈی آئی جی دسیا سی کہ بمب سبزی منڈی وچ اک تھوک۔دی دوکان وچ ہویا جیہدے نال دوکان وچ موجود بوہت سارے بندے شہید تے زخمی ہو گئے۔

اپنی رائے دا اظہار کرو

کوئٹہ بمب دھماکے نال مرن والیاں دی گنتی 20 ہو گئی” ایک تبصرہ

  1. quetta wich amn pasand hazara shia bradari de hoon teekar skaei senkray bandar shaheed ketay gaye etthay ek waddi chahwni te fauj de waddi academy bhi he je ethtay vi shehryan di jaan mahfooz nahin eh dukh di gal j jay

تبصرے بند ہیں