234

ڈالر ہفتے وچ 9 روپے مہنگا ہوکے 154 ہوگیا

حکومت پاکستان دےانٹرنیشنل مانیٹری فنڈ (آئی ایم ایف) نال معاہدے مگروں ڈالر دی قیمت وچ لنگھے ہفتے دوران 9 روپے 60 پیسے وادھا ہویا، جدے سدھا اثر ملک دے قرضیاں اتے پیا۔
پیر والے دیہاڑ ڈالر دے مقابلے روپے دی قدر وچ انٹربینک تےاوپن مارکیٹ وچ اک واری فیر گھاٹا ویکھن نوں آیا۔
ڈالر تقریباً 3 روپے وادھے مگروں تریخ دے اچے پدھر 154 روپےاتے اپڑ گیا، دیہاڑ دے اخیر تے کاروبار بندہوون ویلے ایہہ قدر واپس 153.50 روپے ہوگئی۔انٹربینک وچ ودھ کے 151.50 روپے تیک اپڑگئی۔
مارکیٹ تجزیہ کاراں داآکھنا اے کہ جدتائیں انٹربینک وچ ڈالر دی قیمت پکی نئیں ہوجاندی، اوہدوں تیک مارکیٹ وچ بے وسائی رہے گی۔

اپنی رائے دا اظہار کرو