271

چین: صوبہ سنکیانگ دے “ارمچی” وچ ’حالتِ جنگ‘ دا اعلان

(اسلام آباد ڈیسک 19 جولائی ) چین دے مشرقی صوبے سنکیانگ دے کیپیٹل سٹی ارمچی وچ کورونا وائرس دے روگیا ں دے ودھا مگروں’حالتِ جنگ‘ دا اعلان کر دتا گیا اے۔ پچھلے دیھاڑے سرکا ر ولوں جاری کرونا روگیاں دی گنتری پاروں 17 نویں روگی ساھمنے آئے سن اسلئی سرکار نے آوا جاوی اتے کرڑی ھٹک لاء دتی گئی اے ایہ وی سوچن والی گل ھے کہ ووہان توں اڈ ملک دے دوجے علاقیاں وچ کرونا وائیرس پھیلدا نظری نھیں آیا .چیتے رھوے سنکیانگ وچ اویغور مسلمانا دی گنتری بھوں اے تے ایتھے سرکاردی پکڑبھوں مضبوط ہے۔ اس توں پھلاں چین دے صوبہ سنکیانگ دے دارالحکومت اُرومچی جاون والیاں 600 توں ودہ ھوائی اڈاریاں ڈک دتیاں گئیاں سن کیونجے شہر وچ کورونا وائرس دا اک روگی ساھمنے آگیا سی ۔ سرکاری خبر موجب جمعرات نوں اک 24 ورھیا ں دی سوانی وچ کرونا وائیرس پازیٹو آیا سی ، جد کہ ایھدے نال جڑے تن لوکاں دے ٹیسٹ کیتے گئی تاں اوھناں جیئاں دے سٹے وی مثبت آئے سن، اس لئی اُرومچی ایئر پورٹ اتے 80 فیصد توں وادھو ھوائی اڈاریاں ڈک دتیاں جد ایہ کرونا روگی ساھمنے آئے ۔

اپنی رائے دا اظہار کرو