225

پیپلزپارٹی دے مڈھلے آگو ڈاکٹر مبشر حسن ٹرگئے

پاکستان پیپلز پارٹی دے بانی رہنما تے سابق وفاقی وزیر خزانہ ڈاکٹر مبشر حسن انتقال کر گئے۔
پیپلزپارٹی دی نیہہ 1967 وچ ڈاکٹر مبشرحسن دے گھروچ رکھی گئی۔
ڈاکٹر مبشر حسن پاکستان دے منے سوجھوان ،سائنس دان، سول انجنئیر، استاد، سیاست دان، محقق، مبصر، صحافی، تجزیہ نگار سن۔ اوہ پاکستان دے وزیرِ خزانہ تے سائنس ٹیکنالوجی دے صلاح کار وی رہ چکے سن ۔ مبشر حسن 22 جنوری 1922 نوں پانی پت، ہریانہ، پنجاب، ہندوستان وچ پیدا ہوئے۔ مڈھلی تعلیم اوتھے حاصل کیتی تے سول انجینئرنگ وچ گریجویشن دی ڈگری لیتی۔ 1950 وچ اوہ امریکا چلے گئے تے آئیووا اسٹیٹ یونیورسٹی،امریکا توں سول انجینئرنگ وچ ماسٹر کیتا۔ ایس مگروں پی ایچ ڈی کرن لئی ہائیڈرالک انجنیئرنگ وچ اک مقالہ مکمل کرکے پیش کیتا تے ڈاکٹری دی ڈگری حاصل کیتی۔ مغربی پاکستان واپس آون مگروں لہور وچ انجینئرنگ اینڈ ٹیکنالوجی یونیورسٹی وچ پڑھایا ،ڈاکٹر مبشر حسن نے سیاست وچ حصہ پایا، ذوالفقار علی بھٹو دے قریبی سنگیاں وچوں سن، اوہناں دے لہور وچ گھر بیٹھ کے بھٹو ہوراں پیپلزپارٹی دی بنیاد رکھی تے 27 نومبر 1967 نوں ایس دا اعلان کیتا۔ اوہناں صحافت وچ وی اپنے قلم نال آرٹیکل لکھے۔ دی نیوز تے دنیا اخبار وچ مضمون چھپ دے سن۔
ڈاکٹر مبشر حسن دے عمر 98 ورھے سی، اوہ 14 مارچ نوں لہور وچ وفات پاگئے۔

اپنی رائے دا اظہار کرو