237

پاکستان نوں تڑی نئیں لائی، سعودی عرب

ترک صدر طیب ایردوان نے ملائیشیا وچ میڈیا نال گل کردیاں آکھیا کہ سعودی عرب نے پاکستان نوں40 لکھ پاکستانی ملازماں نوں ملک توں کڈھن دی دھمکی دے دتی۔
کوالالمپور توں ترکی واپس جاندیاں صدرطیب ایردوان نے کہیا کہ سعودی عرب پاکستان اتے دباو پاندا اے، سعودی عرب کہندا اے 40 لکھ پاکستانیاں نوں واپس گھل کے اوہناں دی تھاں بنگلادیشی ملازم بھرتی کرسکدا اے۔
ترک اخبار ڈیلی صباح مطابق ایردوان نے کہیا کہ سعودی عرب نے پاکستانی اسٹیٹ بینک متعلق وی اجیہی تڑی لائی اے، جیہدا وچ آکھیا کہ بینک وچ رکھے اپنے پیسے وی کڈھ لے گا۔
ترک صدر دا کہنا اے کہ پاکستان نوں اپنی معاشی مشکلاں کارن اجیہی تڑیاں مننیاں پیندیاں نیں، جدکے انڈونیشیا نال وی اجیہے مسلئے نیں۔
سعودی عرب نے کوالالمپور کانفرنس وچ پاکستان دے شرکت نا کرن بارے میڈیا اتے چلن والی خبراں دی سختی نال تردید کیتی اے۔
سعودی سفارت خانے ولوں جاری اعلامیے وچ آکھیا گیا کہ پاک سعودی تعلقات اجیہے نئیں جتھے دھمکیاں دی زبان ورتی جاندی ہووے۔
پاکستان تے سعودی عرب وچکار گوڑے تعلقاں دا بوہت آدر کردے آں۔

اپنی رائے دا اظہار کرو