158

پاکستان نال پولیو مکاون لئی تعاون جاری رہےگا: بل گیٹس

وزیراعظم دے اچیچے صلاح کار صحت ڈاکٹر ظفر مرزا دی ابوظہبی وچ مائیکرو سوفٹ دے موڈھی بل گیٹس نال ملاقات ہوئی، جیہدے وچ ڈاکٹر ظفر نے بل گیٹس نوں پولیو دے خاتمے تے حفاظتی ٹیکیاں دے پروگرام دی تفصیل دسی۔
ڈاکٹر ظفر مرزا دا کہنا سی کہ حفاظتی ٹیکے لاون نوں 100 فیصد یقینی بناون لئی پکے آں، وزیر اعظم عمران خان دی آگوائی ہیٹھ پولیو نوں مکان دا پک کیتا اے۔ پاکستان نوں پولیو فری بناوں لئی اک پکا تے بھرواں پلان بنایا اے۔
عالمی ترقیاتی ادارے پاکستان وچ پولیو مکاون لئی دو ارب چھ کروڑ ڈالر دیون گے جد کہ حکومت پاکستان پولیو دے خاتمے لئی 15 کروڑ ڈالر فراہم کرے گی، ایس توں اڈ بل گیٹس پاکستان وچ پولیودے خاتمے لئی 1.08 بلین ڈالر فراہم کراں گے۔

اپنی رائے دا اظہار کرو