269

پاکستان :موت دی سزا ،5وچوں 2بے قصور

بی بی سی دی رپورٹ وچ دسیا گیا ،پاکستان وچ موت دی سزاپان والےقیدیاں بارے گنتی سامنے آئی اے۔ 2014 توں ہن تائیں 500 بندیاں نوں پھانسی چاڑھیاگیا، موت دی سزاپان والے ہر پنج وچوں دو قیدیاں نوں غلط سزا دتی گئی یا اوہ بے گناہ سن۔غیر سرکاری گنتی وچ دسیا گیا کہ ملک وچ ہر ہفتے دو بندیاں نوں پھانسی اتے لٹکایا جاندا اے۔

انسانی حقاں دی تنظیم ‘فاؤنڈیشن فار فنڈامینٹل رائٹس’تےعالمی غیر سرکاری تنظیم “ریپرییو”نیں اپنی سانجھی رپورٹ دسیا
ٹرائل کورٹس وچ نکے مقدمیاں دی سزائے موت دین دےعمل نال قیدیاں دی گنتی ودھان سنےسزاواں خلاف اپیلاں سپریم کورٹ اپڑن تائیں ایہناں نوں کئی ورھیاں تیکر قید کٹنی پیندی اے۔
رپورٹ دسیا ملک وچ 2010 توں 2018 تیک موت دی سزا دے 78 فیصد مقدمیاں دے فیصلےسپریم کورٹ کالعدم قرار دتے۔ ماہرین داآکھنااے،ایس وڈی گنتی وچ سزاواں معطل ہونایاں فیصلے تبدیل ہوون نال ضلعی عدالتاں دی کارگزاری اتے سوال اٹھدے نیں۔
ماہرین دسیاپاکستان دے عدالتی نظام وچ اک پاسے ناقص تفتیش تےکمزور شہادتاں عدل دی راہ وچ ہٹکاں نیں۔دوجے پاسے لمے تے سست عدالتی عمل چھیتی انصاف دین دی راہ وچ وڈی رکاوٹ اے۔

اپنی رائے دا اظہار کرو