402

بابر اعظم عظیم کھڈاریاں نال رل گئے

جوان پاکستانی بلے باز بابر اعظم نے شاندار سنچری بنا کے ناصرف اپنی ٹیم نوں نیوزی لینڈ دے خلاف فتح دلوائی سگوں ایہدے نال ای اوہ عظیم بلے بازاں دی فہرست وچ وی شامل ہو گئے نیں۔

برمنگھم وچ نیوزی لینڈ خلاف مشکل وکٹ اتے بابر نے بھرویں بلے بازی کردیاں بابراعظم ناقابل شکست 101رنز دی اننگز کھیڈی، جیہدے پاروں پاکستان نے نیوزی لینڈ نوں 6وکٹاں نال ہرا کے سیمی فائنل وچ اپڑن دے راہ وچ اک ہٹک ٹپ لئی اے۔
ایس سنچری دے نال ای بابر اعظم دے ورلڈ کپ وچ رنزاں دی گنتی 333 ہوگئی اے بابر اعظم 2019 دے ورلڈکپ وچ 25 ورھے توں گھٹ عمر والے سبھ توں ودھ رنزاں بناون والے بلے باز نیں، ایس توں پہلاں عظیم بلے باز ایہہ اعزاز اپنے نام رکھ چکے نیں۔
پہلاں سچن ٹنڈولکر 1996 وچ 523 رنز بنائے، اے بی ڈویلیئرز 2007 وچ 372, رکی پونٹنگ 1999 وچ 354 ، تے برائن لارا 1992 وچ 333 سکور بنائے، اوہناں دی عمراں 25 ورھے توں گھٹ سی، بابراعظم وی 25 ورھیاں توں گھٹ عمرے 333 سکوراں بنالیئاں۔

اپنی رائے دا اظہار کرو

بابر اعظم عظیم کھڈاریاں نال رل گئے” ایک تبصرہ

  1. ایہہ “عظیم” بیٹسمیناں دی نہایت عجیب فہرست اے جیہدے وچ ایس سی ڈبلیو سی ورلڈ کپ 2019 وچ بابر اعظم توں ودھ رنز بناون والے کھڈاریاں دے ناں شامل نہیں کیتے گئے. جے عظمت ورلڈ کپ وچ بوہتے رنز کرن نال ملدی اے تے شکیب الحسن بابر توں دونا “عظیم” اے جیہن ایس ورلڈ کپ دے 6 میچاں وچ 476 رنز کیتے نیں. تے ڈیوڈ وارنر عظیم ترین اے جیہنے ایس ورلڈ کپ وچ 500 پورے رنز کیتے نیں تے سب توں وڈا سکور 166 رنز کیتا اے.تے کین ولیمسن عظیم ترین توں وی ودھ اے جیہنوں 138 رنز انفرادی سکور تے 413 رنز مجموعی سکور دے نال ایس ورلڈ کپ دا بہترین بیٹسمین منیا جا رہیا اے.

تبصرے بند ہیں