209

پاکستان دا درد ترکی دا اے: طیب اردوان

سپیکر قومی اسمبلی اسد قیصر نے پاکستان دے عوامی نمائندیاں ولوں ترک صدر رجب طیب اردوان نوں جی آیاں آکھیا۔
طیب اردوان نے پارلیمنٹ دے سانجھے اکٹھ نال گل کردیاں آکھیا کہ میں پاکستان دی لوکائی دے نمائندیاں ولوں محبت دا سلام گھلنا آں۔ جیویں میرا پاکستان وچ بھرواں سواگت کیتا گیا، مجمانی کیتی گئی، اوس اتے پوری پاکستانی قوم دا شکرگزار آں۔
رجب طیب اردوان نے آکھیا کہ پاکستان آکے کدے آپ نوں اجنبی محسوس نئیں کردا، پاکستان میرے لئی دوجے گھر وانگ اے، اج ترکی تے پاکستان دے تعلق رشک کرن جوگ نیں۔
کشمیر بارے گل کردیاں ترک صدر نے اک وار فیر صاف آکھیا کہ کشمیر ترکی لئی اوہو حیثیت رکھ دا اے پاکستان لئی اے، پاکستان دا درد ترکی دا درد اے تے اوس دی خوشی ترکی دی خوشی اے۔
وزیراعظم عمران خان، وزیر خارجہ شاہ محمود قریشی، چیئرمین پیپلز پارٹی بلاول بھٹو زرداری، رہنما ن لیگ خواجہ آصف سمیت ممبراں دی وڈی گنتی سانجھے اکٹھ وچ شریک سی۔

اپنی رائے دا اظہار کرو