197

پاکستانی داعش جنگجواں دے ٹبر وطن واپس

افغانستان دے مشرقی صوبے ننگرہار دے مرکزجلال آباد وچ جمعرات نوں داعش دے جنگجواں دے گھر والے اپنے پاکستانی رشتے داراں حوالے کیتے گئے، جنہاں اپنے ہتھیار سٹ آپ نوں افغان سرکار اگے پیش کردتا،
افغان حکام مطابق پہلے مرحلے وچ 50 زنانیاں تے 76 بال اوہناں دے پاکستانی رشتے داراں حوالے کیتے گئے۔
افغان صدر اشرف غنی نومبر 2019 وچ جلال آباد اعلان کیتا سی کہ جنگجوؤاں دے خانداناں نوں قبائلی وڈیاں دے راہیں اوہناں دے پاکستانی ٹبراں حوالے کراں گے۔ نومبر 2019 وچ افغان حکام دا دعویٰ اے کہ داعش دے 1300 توں ودھ جنگجو ہتھیار سٹ دتے نیں تے آپ نوں سرکار اگے پیش کردتا اے۔
اگست 2016 وچ افغانستان اندر نیٹو تے امریکی فوجاں دے سربراہ جنرل جان نکولسن دعویٰ کیتا کہ داعش دے ستر فیصد جنگجو پاکستانی نیں۔ ایہہ جنگجو پہلاں تحریک طالبان پاکستان نال سن، لیکن قبائلی علاقیاں وچ فوجی آپریشن ’ضرب عضب‘ کارن ایہہ جنگجو افغانستان چلے گئے تے اوتھے آپ نوں دولتِ اسلامیہ داعش نال جوڑ لیا۔

اپنی رائے دا اظہار کرو