181

ٹرمپ دی ایران اتے پابندیاں دی دھمکی، بغداد وچ فیر راکٹ حملے

غیر ملکی میڈیا رپورٹاں مطابق بغداد دے گرین زون وچ حملہ ایرانی حملے دے 24 گھنٹے مگروں کیتا گیا، دھماکیاں مگروں بغداد وچ خطرے دے سائرن وجائے گئے۔
گرین زون وچ امریکاسنے کئی ملکاں دے سفارت خانے نیں، دسیا جاندا اے پئی ایس راکٹ حملے وچ کسے جانی نقصان دی اطلاع نئیں ملی۔
دوجے پاسے عراق وچ ایرانی میزائل حملے دے جواب وچ امریکی صدر نے ہور اقتصا دی پابندیاں لاون دا اعلان کر دتا۔
صدر ٹرمپ وائٹ ہاوس وچ اپنے بیان دیندیاں آکھیا کہ ایران دی ایٹمی ہتھیاراں لئی نس پج نال امن نال وسن والی دنیا نوں خطرہ اے، ایران نوں ایٹمی ہتھیارحاصل نئیں کرن دیواں گے۔ اپنی پریس کانفرس شروع کردیاں ای اوہناں کہہ دتا پئی، جد تیک مین امریکا دا صدر آں، ایران نوں ایٹمی ہتھیار بناون دی اجازت نئیں دیواں گا۔
صدر ٹرمپ دعوی کیتا پئی ایران پیچھے ہٹ رہیا اے جیہڑا کہ دنیا لئی اچھی گل اے، امریکا نوں ہن عرب ملکاں دے تیل دی لوڑ نئیں اوہ آپوں ودھ تیل تے گیس پیدا کرن والا ملک بن چکیا اے۔

اپنی رائے دا اظہار کرو