234

ٹرمپ دا مواخذ: کانگریس وچ 21 جنوری توں کارروائی

امریکی صدر ڈونلڈ ٹرمپ خلاف مواخذے دی کارروائی لئی ایوان نمائندگان دی سپیکر نینسی پلوسی دے دستخط شدہ آرٹیکل سینیٹ نوں گھل دتےگئے۔
دونلڈ ٹرمپ اتے اختیاراں دے ناجائز استعمال تے کانگریس دا راہ وچ ہٹکاں پاون دے الزام لائے گئے نیں۔
سینیٹ وچ ڈونلڈ ٹرمپ خلاف کارروائی 21 جنوری توں شروع ہووے گی جیہدے لئی مواخذے دی صدارت کرن والے امریکی چیف جسٹس حلف چک لیا۔
ادھر وائٹ ہاؤس عہدیدار دعویٰ کیتا اے کہ سینیٹ وچ ٹرمپ دے مواخذے دی کارروائی دا سارا معاملہ صرف دو ہفتیاں وچ نمٹ جائے گا، صدر نوں الزاماں توں بری کر دینا چاہیدا اے۔
چیتے رہو کہ امریکی ایوان نمائندگان صدر ٹرمپ دے مواخذے لئی دو الزاماں دی منظوری دے چکی اے۔ ڈونلڈ ٹرمپ تیجے امریکی صدر نیں جنہاں نوں مواخذے دی کارروائی دا ساہمنا اے۔
ڈونلڈ ٹرمپ اپنے خلاف مواخذے دی کارروائی نوں بیکار تے جھوٹھ دی پنڈ قرار دے چکے نیں۔

اپنی رائے دا اظہار کرو