341

وفاقی وزیر علی محمد مہر ڈکیتی دوران پھٹڑ؟

کراچی (سجن رپورٹ) کل رات انسدادِ منشیات دے وفاقی وزیر سابق وزیر اعلی سندھ علی محمد مھر دے گھر فائرنگ ہوئی جیہدے نال اوہ پھٹڑ ہو گئے تے اوہناں نوں ڈیفینس دے اک پرائیویٹ ہسپتال داخل کرا دِتا گیا۔ علی محمد مھر دے آپنے گھر وچ زخمی ہوون دی تصدیق صبح ہی ہو گئی سی پر ایہہ نہیں سی دسیا جا رہیا کہ اوہ پھٹڑ کیویں ہوئے۔ سماء نیوز تے کئی دوجے ٹی وی چینلاں دسیا سی کہ وفاقی وزیر دے گھر ڈیفینس فور وچ راتیں ڈاکو وڑھ گئے سن جنہاں سارے گھر والے تے ملازماں نوں اسلحے دے زور اُتے بندی بنا لیا سی، ایس دوران علی محمد مھر نے مزاحمت کیتی تے زخمی ہو گئے۔ اوہناں دے اک رشتے دار شہریار مھر تے وکیل جاوید میر پترکاراں نوں دسیا پئی علی محمد مھر ڈکیتی دی واردات وچ پھٹڑ ہوئے۔ آئی جی سندھ پولیس کلیم امام نے ڈی آئی جی کراچی توں واقعے دی رپورٹ منگی اے۔ دوجے پاسے علی محمد مھر ہوری کہندے نیں کہ پچھلی رات اوہناں دے گھر کوئی وڑھ آیا سی، اوہ رَولا سن کے اٹھے تے بیڈ دا کونہ وجن نال زخمی ہو گئے۔

اپنی رائے دا اظہار کرو