423

ہن ایٹمی جنگ ہووے گی۔ تڑی نئیں وارننگ اے۔عمران خان


وزیراعظم عمران خان نے اقوام متحدہ دی جنرل اسمبلی وچ اپنے خطاب وچ چار اہم موضوعاں یعنی ماحولیاتی تبدیلی، منی لانڈرنگ، اسلام تے مسلم مخالف جذبات تے مقبوضہ کشمیر دی موجودہ صورتحال اتے روشنی پائی۔

موسمیاتی تبدیلی اتے گل کردیاں اوہناں آکھیا کہ پاکستان موسمیاتی تبدیلیاں توں متاثر 10 ملکاں وچ شامل اے، موسمیاتی تبدیلیاں توں پاکستان دے گلیشیئر پگھل رہے نیں، پاکستان زرعی ملک اے تاں چے ماحولیاتی تبدیلی دا کجھ نئیں کیتا گیا تاں ملک نوں ڈھڈا خطرہ اے۔
پاکستان ماحولیاتی تبدیلی لئی بہت کجھ کر رہا اے لیکن اسیں کلے کامیاب نہیں ہو سکدے، اقوام متحدہ کو موسمیاتی تبدیلی نال نبڑن لئے اقدامات کرنے ہون گے، کوئی وی ملک کلا کجھ نئیں کرسکدا۔

کرپشن اور منی لانڈرنگ بارے عمران خان نے آکھیا کہ غریب ملکاں نوں اشرافیہ لٹ رہیا اے ، ہر ورھے غریب ملکاں دے ارباں ڈالر ترقی یافتہ ملکاں وچ چلے جاندے نیں، امیر لوکیں ارباں ڈالر غیر قنونی طریقے نال یورپ دے بینکاں وچ منتقل کردیندے نیں۔

اسلاموفوبیا اتے گل کردیاں عمران خان دا کہنا سی کہ نائن الیون مگروں اسلاموفوبیا خطرناک حد تیک پھیل چکا اے، اسلاموفوبیا کارن بعض ملکاں وچ مسلم خواتین دا حجاب پردہ کرنا مشکل بنادتا گیا اے، کجھ مغربی رہنماؤں نے اسلام نوں دہشت گردی نال جوڑیا جیہدے کارن اسلاموفوبیا نے جنم لیتا۔ عمران خان اپنے خطاب دے چوتھے نکتے وچ مقبوضہ جموں و کشمیر وچ بھارتی ظلم دا مکروہ چہرہ بے نقاب کیتا۔

اوہناں آکھیا کہ اقوام متحدہ آون دا اہم مقصد مقبوضہ کشمیر دی صورتحال دسنا اے کہ اوتھے کیہ ہورہیا، 2001 مگروں پاکستان نے دہشت گردی خلاف جنگ تے شمولیت اختیار کیتی لیکن میں دہشت گردی خلاف جنگ وچ پاکستان دے شامل ہونے دی مخالفت سی۔

اوہناں آکھیا مسئلہ کشمیر اتے گل کرن توں پہلاں ایہہ دسنا چاہندا آں۔ ساڈی حکومت جنگ دے خلاف اے، نائن الیون واقعے وچ کوئی پاکستانی ملوث نئیں۔ 70 ہزار پاکستانی اجہی جنگ وچ مارے گئے جنہاں دا ایس نال تعلق وی نئیں سی۔

عمران خان نے آکھیا پاکستان نے سارے انتہا پسند گروپس ختم کر دتے نیں۔ لہٰذا اقوام متحدہ توں درخواست اے کہ اپنا مشن بھیج کے صورتحال دا معائنہ کرے۔

وزیراعظم نے دسیا اقتدار وچ آون مگروں بھارت نال مذاکرات دی گل کیتی، مودی نے کہیا کہ پاکستان توں دہشت گرد حملے ہوندے نیں تاں بھارتی وزیراعظم نوں دسیا کہ بھارت بلوچستان وچ دہشت گردی کرارییا اے کلبھوشن یادیو پاکستان وچ دہشت گردی دا اعتراف کیتا اے۔
اوہناں آکھیا موجودہ صورتحال دو ہاں ملکاں وچکار ایٹمی جنگ شروع کروا سکدی اے۔ جے کر جنگ ہوئی تاں روایتی نئیں ایٹمی ہووے گی ایہدے اثر سرحداں توں پار تیک ہوون گے ایہہ تڑی نئیں وارننگ اے۔
پلوامہ حملے مگروں بھارت نے پاکستان اتے الزام لاکے بم سٹ دتے اسیں اوہناں دے 2 طیارے ڈھائے اسیں فوری پائلٹ واپس کیتا کیوں جے اسیں امن چاہندے ساں، بھارت ساڈے صرف 10 درخت تباہ کیتے سانوں ایہدا دکھ اے کیوں اسیں بڑے پیار نال ا وہ درخت لائے سن۔ عمران خان آخھیا اقوام متحدہ کشمیر اتے اپنا کردار ادا کرے۔ غیرانسانی کرفیو چک لئے گرفتار بندیاں نوں رہا کرے عالمی برادری کشمیری لوکاں دا آپ اختیار دا حق دوائے۔

اپنی رائے دا اظہار کرو