310

ودھ بارشاں تے برفباری نال سردیاں لمیاں

پاکستان دے پہاڑاں اتے ایس ورھے ڈاھڈی برف پئی، مالاکنڈ، ہزارہ، مری، گلگت بلتستان تے کشمیر دے علاقیاں وچ 22.5 انچ برف پے چکی اے۔ موسم دا حال دسن والیاں آکھیا مارچ وچ سردیا مکن تیک 50 انچ تک ہوجائے گی۔
ماہراں دسیا پئی رُت دی بدلی نال عام لوکیں وی پریشان ہوئے نیں۔ ملک دی معیشت لئے ایہہ چنگی ثابت ہوسکدی اے۔ کیوں جے دریاواں وچ ودھ پانی آون دی آس اے۔
2004 تے 2005 میں 81 انچ برف پڑی ،گزرے دوورھیاں دوران صرف 17.5 انچ ہی برف پڑی۔
ماہراں دسیا ایس ورھے مارچ دے ادھ تیکر ڈاھڈے پالے تےبارشاں ہوون دی گویٹر اے۔
اوہناں آکھیا پئی دھرتی دا ودھیا تاپ ایس رُت بدلی دا موجب نئیں۔
سردیاں دی بارشاں ایس وار دیری نال تے معمول توں 25 ، 30 فیصد ودھ جدکہ برفباری 50 فیصد ودھ ہوئی اے۔
ماہراں آون والے چار توں پنج ہفتیاں دوران بارش تے برفباری دے مزید تن توں پنج سلسلے چلن دی آس اے۔
پچھلے ورھیاں دے مقابلے ایس واری سردیاں زیادہ پین گئیاں۔ ایس وار بہار فروری دے تیسرے ہفتے وچ آئے گی۔

اپنی رائے دا اظہار کرو