309

نیب کالا قنون، تیجے امپائردی گنجائش نئیں،بلاول

پیپلزپارٹی چیئرمین بلاول بھٹو خبردار کیتا کہ سرکارنوں پاک چین اقتصادی راہداری سی پیک منصوبیاں اتے سمجھوتہ نئیں کرن دیواں گے۔ وزیراعظم عمران خان وعدہ خلافی کرکےمنصوبے لئی رکھے مالیاتی فنڈوچوں رقماں ایم این اے تے ایم پی اے نوں دتیاں۔اوہناں آکھیا ایس اتے کوئی سودے بازی نئیں ہووے گی۔
عاصمہ جہانگیر فاؤنڈیشن دی اٹھارویں ترمیم اتے تقریب مگروں میڈیا نال گل کردیا بلاول بھٹو آکھیا،صدارتی نظام نئیں آسکدا،اجیہی کوئی وی کوشش ناکام بنادیواں گے۔ عمران خان سنے کسے اجیہی حرکت کیتی تاں مشرف وانگ اوہناں خلاف وی غداری داکیس ہوجاوے گا۔
بلاول آکھیا پاکستان وچ صرف اک امپائر اے اواہ ایتھوں دی لوکائی اے۔ جمہوری ملکاں وچ کسےتیجے امپائر دی گنجائش نئیں ہوندی۔اوہناں دے کہناسی، نیب داقانون کالا قانون تے پرویز مشرف دا بنایا ادارہ اے،جنہوں نراسیاسی انتقام لیے بنایا گیا سی۔

اپنی رائے دا اظہار کرو