251

نون لیگ دا مولانا فضل الرحمن نال دھرنا دین دا فیصلہ

لہور(سجن رپورٹ) لمی سوچ وچار مگروں مسلم لیگ نون نے جے یو آئی دے لیڈر مولانا فضل الرحمان دے حکومت مخالف دھرنے وچ شریک ہون دا ہوکا بھر لیا اے۔ نون لیگ دے شہباز شریف دی سوچ نیڑے پکھ ولوں مولانا نال ٹرن دی مخالفت کیتی جا رہی سی جدوں کہ نواز شریف دی اکو ای گل سی بئی حکومت ہٹاؤ دھرنے وچ ہر صورت جانا اے۔ نون لیگ دے لیڈر پرویز رشید دسیا اے بئی ہن اسلام آباد وچ نون لیگ گج وج کے دھرنا دیوے گی۔ پارٹی ایس گل اتے غور کر رہی اے بئی مولانا پچھے ٹرن دی تھاں نون لیگ پنجاب ولوں کپتان دے تخت اتے چڑھائی کرے گی۔ نون لیگ لیڈر آکھدے نیں کہ اوہ پیپلز پارٹی نوں وی دھرنے وچ رلن لئی مناون دی پوری کوشش کرن گے۔

اپنی رائے دا اظہار کرو

نون لیگ دا مولانا فضل الرحمن نال دھرنا دین دا فیصلہ” ایک تبصرہ

تبصرے بند ہیں