198

نواز شریف دا مرض اکیوٹ آئی ٹی پی کیہ اے؟

سابق وزیراعظم نواز شریف دے مرض دی تشخیص ہو گئی اے تے ڈاکٹرز مطابق اوہناں نوں اکیوٹ آئی ٹی پی دا مرض اے۔
ماہر امراض ہیماٹالوجسٹ پروفیسر طاہر سلطان شمسی دا کہنا اے کہ نواز شریف دی بیماری لبھ لئی گئی اے تے اوس دا نام اکیوٹ آئی ٹی پی اے جد کہ مرض دا علاج کرن والے میڈیکل بورڈ دے سربراہ پروفیسر محمود ایاز دا کہنا اے کہ نواز شریف دے مرض دا علاج پاکستان وچ موجود اے۔
طب کی زبان وچ ایس بیماری نوں، Immune thrombocytopenic purpura (آئی ٹی پی) کہندے نیں۔
اکیوٹ آئی ٹی پی دو طرحاں دا ہوندا اے، اک عارضی یا گھٹ مدتی تے دوجا لمی دیری والا، اکیوٹ آئی ٹی پی عام طور اتے 6 مہینیاں تیک رہندا اے۔ ایہہ مرض عام طور اتے نکے بالاں نوں ہوندا اے جیہڑی آئی ٹی پی دی عام قسم اے جدکہ اکیوٹ آئی ٹی پی اکثر وائرل انفیکشن مگروں ہوندا اے۔
عام طور اتے انسان دے جسم دی قوت مدافعت انفیکشنز نال لڑن وچ مدد دیندی اے، لیکن آئی ٹی پی دوران مقابلہ کرن دی قوت بری طرح متاثر ہوندی اے،جیہدے کارن پلیٹلیٹس بار بار ٹوٹدے رہندے نیں۔
پروفیسر طاہر شمسی دا کہنا اے کہ نواز شریف دی بیماری دا علاج اسٹیرائیڈ تے آئی وی آئی جی انجیکشن ذریعے ہو سکدا اے۔

اپنی رائے دا اظہار کرو