309

نواز شریف دی درخاست۔عدالت دی غلطی

نواز شریف علاج لئی ملکوں باہر جاون دی اجازت دی درخاست سپریم کورٹ نوں کردتی اے۔ ایس توں پہلاں اوہناں نوں چارہفتیاں دی ضمانت ملی سی۔فیصلے وچ اوہناں نوں باہر سفر دی اجازت نئیں دتی گئی سی۔
اپنے وکیل خواجہ حارث راہیں درخاست وچ آکھیا کہ اوہناں نوں دل تے شریاناں دے کئی روگ لگ گئے نیں۔ اوہ لندن دے اوسے ڈاکٹر نوں وکھانا چاہندے نیں جس اوہناں دا علاج کیتا سی۔
درخاست وچ آکھیا کہ ضمانت دے حکم دا اک حصہ عدالت وچ پڑھیا گیا جیہدے وچ آکھیا سی جے نواز شریف ضمانت ودھانا چاہون تے اوہ اسلام آباد ہائیکورٹ جاسکدے نیں۔
ایس وچ کوئی ٹائپنگ دی غلطی ہوگئی لکھے فیصلے وچ ایہہ گل نئیں سی۔
ایس پاروں ریکارڈ اتے ایہہ غلطی ہمیش رہووے گی۔ نواز شریف دی حالت ٹھیک نئیں ایس کارن فیصلے نوں فیر ویکھیا جاوے گا۔

اپنی رائے دا اظہار کرو