210

نواز شریف باہر جاون توں انکار کردتا

وفاقی کابینہ تے سرکار دی رقم رکھن دی گرنٹی دی شرط مگروں سابق وزیراعظم نواز شریف نے علاج لئی ملک توں باہر جاون توں انکار کردتا اے، دی نیوز دی رپورٹ مطابق کابینہ نے منگل نوں ایس گل دی شرط نال نواز شریف دا نام ایگزٹ کنٹرول لسٹ وچوں کڈھن دی منظوری دے دتی، کہ اوہ احتساب عدالت ولوں اوہناں نوں العزیزیہ کرپشن کیس دسمبر 2018 وچ 7 ورھیاں دی قید تے 3 ارب 88 کروڑ جرمانے دی سزا سنائی۔ ایہہ رقم اوہناں توں منگی گئی اے۔ کابینہ دی ذیلی کمیٹی نے ای سی ایل وچوں نام کڈھن بارے اپنے فیصلے توں وفاقی کابینہ نوں دسیا۔ جنہیں ایس دی مشروط اجازت دے دتی۔ مسلم لیگ نون دے رہنما عطا تارڑ دا کہنا سی اسیں عدالت وچ بانڈز جمع کرادتے نیں، سانوں ہن ہور بانڈ جمع کران دی کوئی لوڑ نئیں اے۔
دسیا جاندا اے پئی سابق وزیراعظم نے سرکار دی شرط رکھن اتے ڈاھڈے غصے دا اظہار کیتا اے اوہناں آکھیا کہ اوہ باہر علاج لئی نئیں جاون گے۔ راتیں شہباز شریف نے جاتی امرا وچ نواز شریف نال ڈیڑھ گھنٹے دی ملاقات دوران اوہناں نوں علاج خاطر لندن جاون اتے راضی کیتا کیوں جے اوہناں دی صحت دی حالت ٹھیک نئیں اے۔

اپنی رائے دا اظہار کرو